Арфæтæ

Республикæ Хуссар Ирыстоны Президент Бибылты Анатоли раарфæ кодта Денис Пушилинæн, Донекцы Адæмон Республикæйы сæргълæууæгæй  æвзæрст кæй æрцыд, уый тыххæй.

Арфæйы телы дзырдæуы:

«Цытджын Денис Владимиры фырт,

Айс мæ арфæтæ Донецкы Адæмон Республикæйы сæргълæууæгæй æвзæрст кæй æрцыдтæ, уый тыххæй.

Æвзæрстыты рæстæджы дæ уæлахиз ссис ирд æвдисæн Донецкы Республикæйы æмæбстæгты æууæнк æмæ æмзæрдæдзинадæн.

Ныфс мæ ис, дæ профессионализм æмæ фæлтæрддзинад дын ахъаз кæй уыдзысты уыцы бæрнон бынаты республикæйы рæзт æмæ Донбасы адæмы фæрныгад бахъахъхъæнынæн. Уый уæлæмхас импульс ратдзæнис нæ республикæты æхсæн ахастытæ рæзын кæнынæн æмæ ахъаз уыдзæн Хуссар Ирыстон æмæ Донецкы адæмты æхсæн хæлардзинад сфидар кæнынæн.

Мæ цæст дын уарзы, цытджын Денис Владимиры фырт, фидар æнæниздзинад, æвидигæ энерги, республикæйæн та – сабырад, стабилондзинад æмæ дидинæфтыд».

* * *

 

Республикæ Хуссар Ирыстоны Президент Бибылты Анатоли раарфæ кодта Леонид Пасечникæн, Луганскы Адæмон Республикæйы сæргълæууæгæй æвзæрст кæй æрцыд, уый тыххæй.

Арфæйы телы дзырдæуы:

«Цытджын Леонид Иваны фырт.

Арфæ дын кæнын Луганскы Адæмон Республикæйы сæргълæууæгæй æвзæрст кæй æрцыдтæ, уый тыххæй.

Луганскы адæм сарæзтой ахсджиаг равзæрст демократон æмæ экономикон ивындзинæдты дарддæры рæзты тыххæй, стабилондзинад æмæ паддзахиуæгад сфидар кæнынæн, æфсымæрон республикæтимæ хорз сыхагон æмæ бирæ планон æмгуыстад кæнынæн.

Ныфс мæ ис, ды æппæт дæ тыхтæ кæй ратдзынæ хæдбар республикæйы рæзты хъуыддагмæ, кæддæриддæр къухдариуæг кæндзынæ дæ куырыхондзинад, бæрндзинад æмæ патриотизмы æнкъарæнтæй.

Мæ цæст дын уарзы, цытджын Леонид Иваны фырт, фидар æнæниздзинад, фæрныгад æмæ паддзахадон архайды дарддæры æнтыстытæ, Луганскы хæларадон адæмæн та –  сабырад æмæ дидинæфтыд».

 

* * *

Арфæ кæнын Мидхъуыддæгты министрады кусджытæ æмæ ветерантæн, сæ профессионалон бæрæгбон –  Милицийы боны цытæн. Ацы бæрæгбон нысан æрцыд адæмы æмæ паддзахады раз Мидхъуыддæгты министрады бирæ кусджыты фæлтæрты сгуыхтдзинæдтæн кад кæныны тыххæй.

Йæ сырæзтæй фæстæмæ милицийы æрцыд бирæ ивындзинæдтæ, фæлæ уæддæр æнæивгæйæ баззайы иу – адæмæн лæггад кæнын, æхсардзинады традицитæ, службæйон  хæстæ  арæхстджын æмæ удуæлдайæ æххæст кæнын.

Республикæ Хуссар Ирыстоны Мидхъуыддæты министрад бахъахъхъæдта æмæ рауæрæх кодта советон милицийы хуыздæр традицитæ. Милицийы кусджытæ уыдысты Фыдыбæстæ хъахъхъæнджыты фыццаг рæнхъыты, активон хайад райстой Республикæйы хихъахъхъæнынады къордтæ аразыны хъуыддаджы. Милицийы бирæ кусджытæ хорзæхджын æрцыдысты ордентæ æмæ майдантæй. Уацамонгæйы ордены кавалертæ систы 20 кусæджы, уыдонæй 8 – сæ амæлæтты фæстæ.

Мидхъуыддæгты министрад у паддзахады иууыл ахсджиагдæр структурæтæй сæ иу, кæцы тох кæны фæтк бахъахъхъæныныл. Мидхъуыддæгты министрады кусджыты раз æдзух лæууы бирæнымæц фарстатæ, сæйраджыдæр,  фыдракæндты ныхмæ тох кæнын æмæ æмбæстæгты хъахъхъæнын. Уыдоны службæйы фæрцы ифтонг цæуы сабырад æмæ æдасдзинад, кæцы бындур æвæры бæстæйы фæд-фæдылон рæзт æмæ дидинæфтыдæн.

Мидхъуыддæгты министрады рæнхъыты службæйæн сæ цард снывонд кæнгæйæ, милицийы кусджытæ æххæст кæнынц бæрнджын æмæ зын мисси, кæцы домы цæттæдзинад закъон æмæ паддзахады ныхмæ сидтыты ныхмæ слæууынмæ. Ныфс мæ ис, милицийы кусджытæн сæ бон кæй у, цахæмфæнды фарстатæ аскъуыддзаг кæнын дæр, сæ службæйон хæстæм æмæ закъоныл иузæрдиондзинад та дарддæр дæр уыдзæнис Республикæйы цæрджыты сабырад æмæ фæтк бахъахъхъæныны гаранти.

Мидхъуыддæгты кусджытæ æмæ ветерантæн мæ цæст уарзы æнтыстытæ Фыдыбæстæйы хæрзиуæгæн, фидар æнæниздзинад æмæ бинонты фæрныгад.

Республикæ Хуссар Ирыстоны   Президент  БИБЫЛТЫ  Анатоли

 

­­_____________________

Республикæ Абхазы экономикæйы министр Адгур Ардзинба раарфæ кодта Бекъойты Геннадийæн Республикæ Хуссар Ирыстоны Хицауады Сæрдары хæдивæдæг –  экономикон рæзты министрæй нысан кæй æрцыд, уый тыххæй.

Арфæйы телы дзырдæуы:

«Цытджын Геннади Барисы фырт,

Айс мæ арфæтæ, бæрзонд æмæ бæрнон бынатмæ нысан кæй æрцыдтæ, уый тыххæй.

Дæ раздæры бæрнон бынæтты де ‘нтыстытæ зындгонд сты Хуссар Ирыстонæн æддейæ дæр. Раздæры æнæфтиаг паддзахадон куыстуæттæ ног уагмæ æркæныны хъуыддаджы де ‘нтыстытæ  сты кадгæнæг. Уыдон дæ къухдариуæгады бын дæттынц хорз финансон фæcтиуджытæ.

Ныфс мæ ис, дæ фæлтæрддзинад æмæ зонындзинæдтæ, дæ ног бæрнон бынаты кæй æрхæсдзысты пайда Хуссар Ирыстон æмæ йæ адæмæн. Мах та, нæ фарсæрдыгæй, цæттæ стæм нæ министрадты ‘хсæн æнтыстджын æмгуыстадмæ, кæцы здæхт уыдзæн дыууæ æфсымæрон адæмты ахастытæ сфидар кæнынмæ.

Мæ цæст дын уарзы бæрзонд профессионалон æнтыстытæ!»