Республикæ Хуссар Ирыстоны Хицауады Сæрдар Пухаты Эрик Хицауады Аппараты æмæ экономикон рæзты министрады коллективты базонгæ кодта РХИ-йы Экономикон рæзты министр Бекъойты Геннадиимæ.
Бекъойты Геннадийы зонгæ кæныны рæстæджы, Пухаты Эрик банысан кодта, Сæудæджерад, транспорт æмæ энергетикæйы фæдыл комитеты сæрдары бынаты йæ цæсгомджын куыст.
«Геннади Барисы фырт у цæсгомджын æмæ бæрнджын адæймаг. Уый хайджын у хорз къухдариуæг-гæнæджы миниуджытæй, æвдисы, компетентондзинад æмæ оперативондзинад бæрнон фарстатæ скъуыддзаг кæныны рæстæджы, сæвзæргæ проблемæтæ аскъуыддзаг кæныны ног амæлттæй пайда кæнынмæ, æмæ мæ хъуыдымæ гæсгæ, йæ бон суыдзæн Экономикон рæзты министрады куыст ног гъæдджын æмвæзадмæ схизын кæнын.
Хицауады Сæрдары хæдивæджы бынаты Геннади Барисы фырт йæ хъус дардзæн экономикон фадыгмæ, афтæ ма, уый размæ цы фадыджы уыд къухдариуæггæнæг, уымæ дæр», – банысан кодта Пухаты Эрик
Хицауады Сæрдар ма банысан кодта, Кокойты Геннади дæр хъуыддæгтæй иуварс кæй нæ баззайдзæн, йæ фæлтæрддзинад æмæ зонындзинæдтæ, раздæрау, уыдзысты хъæуæг, республикæйы экономикон рæзты фадыджы.
«Геннади Герсаны фырт баззайдзæн экономикон рæзты фадыджы фарстатæ скъуыддзаг кæныны уынаффæгæнæгæй. Йæ фæлтæрддзинад мах хъæуы. Ныфс мæ ис, Геннади Барисы фыртимæ кæй ссардзысты сæвзæргæ проблемæты скъуыддзаг кæныны ног амæлттæ æмæ бындуронæй кæй бакусдзысты республикæйы экономикон уавæр фæхуыздæр кæныныл», – банысан кодта Пухаты Эрик.
Йæ рады Бекъойты Геннади бузныджы ныхæстæ загъта республикæйы къухдариуæгадæн, се ‘ууæнк ыл кæй бафтыдтой, уый тыххæй, æмæ ныфс бавæрдта, æппæт йæ тыхтæ кæй ратдзæн куысты хорз фæстиу-джытæ къухты бафтын кæнынæн.
«Æз бузныг зæгъын Президент Бибылты Анатолийæн райсгæ уынаффæйы тыххæй. Афтæ мæ бузныг зæгъын фæнды Эрик Георгийы фыртæн дæр, ахæм æууæнкдзинады тыххæй, æз æй зонын, уый дæ хайадистæй скъуыддзаг кæй æрцыд. Уый у стыр бæрндзинад æмæ уаргъ, фæлæ æппæт тыхтæ ратдзынæн, цæмæй Хицауадмæ ме ‘рбацыд æрхæсса æвæрццаг ивындзинæдтæ, сæйраджыдæр, уыцы фадгуыты, кæцытыл къухдариуæг кæндзынæн. Экономикон рæзты министрады ис стыр куыст, ис бирæ плæнттæ, кæцыты хъæуы реализаци кæнын, кæй зæгъын æй хъæуы, коллективы æххуысæй. Домдзынæн куыст æмæ дисциплинæ бынæттон инструкциты фæлгæтты», – загъта уый.
***
Республикæ Хуссар Ирыстоны Президент Бибылты Анатолийы Барамындæй Республикæ Хуссар Ирыстоны Сæудæджерад, транспорт æмæ энергетикæйы фæдыл комитеты сæрдары бынатмæ нысан æрцыд Санахъоты Батрадз Иналы фырт.
Знон РХИ-йы Хицауады Сæрдар Пухаты Эрик Комитеты коллективæн базонгæ кодта ног къухдариуæг-гæнæджы.
«Батрадз Иналы фырт йæхи хорзæй равдыста Комитеты сæрдары хæдивæджы бынаты уæвгæйæ. Йæ куысты рæстæджы йæхи равдыста, куыд хорз органи-затор, хъæппæрисджын, арæхстджын специалист, кæцыйæн ис бæрндзинады бæрзонд æнкъарæн. Зонгæ уын у, æмæ мæ ныфс ис, сымах иумæ кæй скъуыддзаг кæндзыстут уæ разы лæууæг хæстæ», – банысан кодта уый.
Санахъоты Батрадз йæ рады, бузныджы ныхæстæ загъта республикæйы къухдариуæгадæн, ахæм стыр æууæнкдзинады тыххæй æмæ банысан кодта, зæгъгæ, цæттæ у, коллективимæ æппæт тыхтæ радтын, цæмæй куысты хорз фæстиуæг равдисой.
Comments are closed, but trackbacks and pingbacks are open.