Республикæ Хуссар Ирыстоны Президент Бибылты Анатоли раарфæ кодта Республикæ Абхазы Президент Аслан Бжанияйæн йæ гуырæн боны цытæн.
Арфæйы телы дзырдæуы:
«Цытджын Аслан Георгийы фырт!
Айс иууыл зæрдиагдæр арфæтæ дæ гуырæн боны цытæн.
Уæлдæр паддзахадон бынаты дæ æнтыстджын архайдæй ды райстай де ‘мзæххонты кадкæнынад. Ды æппæт дæр тыхтæй архайыс Республикæ Абхазы фæдфæдылон социалон-экономикон рæзтæн æмæ йæ интерестæ хъахъхъæнынæн.
Ныфс мæ ис, нæ адæмы ‘хсæн цы хæлардзинады æмæ кæрæдзийæн кад кæныны ахастытæ сæвзæрд, уыдон дарддæр дæр рæздзысты дæ архайды хайадистæй Республикæ Хуссар Ирыстон æмæ Республикæ Абхазы адæмы хæрзиуæгæн.
Ацы нысаниуæгджын боны дын, цытджын Аслан Георгийы фырт, мæ цæст уарзы фидар æнæниздзинад, æвидигæ энерги, плæнтты æмæ дæ разылæууæг хæсты реализаци Апсныйы адæмы сабырад æмæ дидинæфтыды сæраппонд».
АРФÆ – КОНСТИТУЦИЙЫ БОНЫ ЦЫТÆН
Цытджын æмзæххонтæ! Зынаргъ хæлæрттæ!
Республикæ Хуссар Ирыстоны Парламенты æмæ сæрмагондæй мæхи номæй арфæ кæнын Республикæйы æппæт цæрджытæн Конституцийы боны цытæн.
Конституцийы бон у сæрмагонд бæрæгбон, нæ сæрибардзинады, нæ сомбоны, сабыр фæллойады ныфсыты бæрæгбон.
Хуссар Ирыстоны Сæйраг Закъон, кæцы ист æрцыд адæмы сæрибар фæндæй, сфидар кодта демократон æхсæнады базæйон хæзнатæ æмæ нæ паддзахады демократон принциптæ, ахъаз кодта хæд-ар паддзахад аразыны æнæмæнгхъæуæг реформæтæ ауадзынæн, байгом кодта ног фадæттæ нæ адæмы культурон æмæ духовон хæзнатæ æмæ традицитæ рауæрæхдæр кæнынæн.
Ныфс мæ ис, адæмы иудзинад æмæ æхсæнады кæрæдзимбарынад кæй сты республикæйы дарддæры рæзты сæйраг гарант.
Мæ цæст уын уарзы æнæниздзинад, фæрныгад, амонд, егъау æнтыстытæ нæ республикæйы рæзт æмæ дидинæфтыды сæраппонд.
Республикæ Хуссар Ирыстоны Парламенты Сæрдар ТАДТАТЫ Алан
Comments are closed, but trackbacks and pingbacks are open.