Арфæ – Паддзахадон тырысайы боны цытæн

Цытджын æмзæххонтæ!

Арфæ уын кæнын – Республикæ Хуссар Ирыстоны Паддзахадон ты-рысайы боны цытæн.

Нæ республикæйы алы цæрæгæн дæр тырыса у нæ адæмы национ-сæрибаргæнæн змæлды, иудзинад æмæ æнгомдзинады символ. Рес-публикæйы хъахъхъæнджытæ Райгуырæн зæхх æмæ сæ адæмы сæраппонд ацы тырысайы бын цыдысты гуырдзиаг агрессорты ныхмæ тох кæнынмæ. Уыцы тырысайы бын не ‘взонг республикæйы æвдисынц нæ спортсментæ, культурæйы архайджытæ, нæ фæсивæды минæвæрттæ алыгъуызон форумты, дипломаттæ æмæ паддзахадон архайджытæ, нæ бæстæ æмæ йæ интерестæ æхсæнадæмон аренæйыл дзургæйæ. Мах сæрыстыр стæм нæ тырысайæ, хъахъхъæнæм æй, куыд нæ хадбардзинады символ, æмæ æппæт дæр аразæм, цæмæй нæ тырыса иу æмрæнхъы уа дунейон æмæхсæнады бæстæтимæ æмæ сæрбæрзондæй фæйлауа дунеон тыгъдады.

Республикæ Хуссар Ирыстоны

Парламенты Сæрдар

Тадтаты Алан

 

Арфæ – Республикæйы боны цытæн

Зынаргъ æмзæххонтæ!

Республикæ Хуссар Ирыстоны Парламент æмæ уын сæрмагондæй мæхи номæй арфæ кæнын – Республикæйы боны цытæн!

20 сентябрь нæ адæмæн у иууыл ахсджиагдæр бæрæгбонтæй сæ иу. 1990 азы 20 сентябры Паддзахадон суверенитеты тыххæй деклараци райсгæйæ, райдыдта нæ паддзахаддзинады æндидзынад, кæцы бындуриуæг кæны демократи æмæ барадыл.

Хæдбардзинадыл тох кæныны процессы мах рацыдыстæм уæззау фæндагыл, кæцы йедзаг у драматизмæй, зиæнттæ æмæ фæлварæнтæй, кæцытæй нæ схайджын кодтой гуырдзиаг националисттæ æмæ неофашисттæ, кæцытæн сæ нысан уыд ирон адæмы историон æмæ физикон æгъдауæй скуынæг кæнын.

Æмæ растдæр нæ адæмы хъæддыхдзинад, цæвиттойнаг хъайтардзинад, æхсардзинады фæрцы мах бахъахъхъæдтам нæ бæстæйы хæдбардзинад.

Æнæсаргъгæнгæ нысаниуæг уыд Стыр Уæрæсейы æххуысæн иууыл уæззаудæр рæстæджы. Йе ‘ххуысы фæрцы скъуыддзаг цæуынц республикæйы социалон-экономикон фарстытæ.

Абон нæ республикæйæн ис бындур, кæцыйыл мах аразæм нæ фи-дæн. Мах иууылдæр хорз æмбарæм, иугонд, æнгом адæмæн сæ бон кæй у йæ райгуырæн зæххæй дидинæфтаугæ бæстæ саразын, алкæй фæллой æмæ æнтыстытыл баст кæй у бæстæйы экономикон æмæ политикон стабилондзинад, тых æмæ æдасдзинад, адæмы фæрныгады рæзт.

Цытджын хæлæрттæ! Мæ цæст уын уарзы æнæниздзинад, сабырад, дидинæфтыд æмæ æнтыстытæ!

Республикæ Хуссар Ирыстоны

Парламенты Сæрдар

Тадтаты Алан