Зынаргъ хæлæрттæ!
Ацы бонты Цæгат æмæ Хуссары дæр нæ адæм нысан кæнынц национ бæрæгбонтæй сæ иу – ирон æвзаджы бон.
Нæй æвзаг, нæй нацийæн фидæн, – уый у æцæгдзинад. Уымæн æмæ æвзаг у хæдбындур æмæ адæмы иудзинады æвдисæн, лæвæрд цæуы фæлтæрæй-фæлтæрмæ, у национ æгъдæуттæ, традицитæ, культурæ, адæмон сфæлдыстады уникалон гуырæн.
Абон нæ хæс у национ æвзаг бахъахъхъæнын æмæ рæзын кæнын. Æмæ ацы бæрæгбоны сæйраг хæс у рæзгæ фæлтæрмæ уарзондзинады æнкъарæнтæ мадæлон æвзагмæ æвзæрын кæнын. Мах хъуамæ æппæтдæр саразæм, цæмæй алы ног фæлтæр дæр дзура, кæса æмæ фысса мадæлон æвзагыл. Мадæлон æвзаг ахъаз кæны нацийы монон æндидзынадæн, хъæздыг кæны монон æмæ сфæлдыстадон хæзнатæ, кæцытæ нын ныууагътой зынгæ фыс-джытæ – Хетæкгаты Къоста, Гæдиаты Секъа æмæ Цомахъ, Кочы-саты Розæ, Гуырдзыбегты Блашкæ, Коцойты Арсен, Джусойты На-фи, Абайты Васо, Хаджеты Таймураз æмæ бирæ æндæртæ. Уымæй уæлдай, не ‘взаг у Ирыстоны дыууæ хайы иугæнæг цæг.
Нæ адæмæн мæ цæст уарзы, цæмæй се ‘взаг ма рох кæной, уар-зой нæ культурæ, национ традицитæ æмæ æгъдæуттæн кад кæной æмæ сæ æххæст кæной.
Республикæ Хуссар Ирыстоны Парламенты Сæрдар ТАДТАТЫ Алан
Comments are closed, but trackbacks and pingbacks are open.