Цалдæр азы размæ, нæ горæты Октябры уынг хæрзарæзт куы фæцис, уæдӕй фӕстӕмӕ йæ рæсугъд æмæ сыгъдæгдзинадӕй ӕхцондзинад хӕссын райдыдта алкӕмӕн дӕр. Алчи дæр æнхъæл уыд, зæгъгæ, ахæм æхцондзинад исдзыстæм дæргъвæтин рæстæджы, фæлæ хъуыддаг афтæ нæ рауад. Рæстæг куыд цыд, афтæ уынг, цы 55 декоративон фонары æмæ дзы уыдонæй ноджы фылдæр бронæмбырдгæнæнтæ сæвæрдтой, уыдон раууатмӕ цӕуын райдыдтой. Фонартӕй ма абон æнæхъæн ис æрмæстдæр æртæ. Цалдæр боны размæ йæ фæндаг ууылты чи ракодта, уыдонæй æрурæдтон цалдæры, семæ ныхас кодтон уынджы абоны уавæры тыххæй æмæ мын загътой:
Джиоты Антъон: «Ацы горæты райгуырдтæн æмæ схъомыл дæн. Хæрзæрæджы мæхи баисты ме стай азы. Мæ фæлтæр уæд алцæмæ дæр дардтой хуыздæр ахаст. Горæты уæддæр рæзтис бирæ цыдæртæ. Фæцин-иу сыл кодтам, раст цыма нæхи сæрмагонд сты, уыйау. Нæ уыдис уый гæнæн æмæ исчи хъуыды дæр акодтаид, ногæй цы фæзынд, уымæн разнаггад кæнын. Хъахъхъæнгæ дæр сæ ничи кодта, уымæн æмæ арæзт цы цыдис, уыдонмæ алчи дæр дардта хорз ахаст.
Ацы уынгыл арæх нæ рацæуын, фæлæ куы рацæуын, уæд фæриссы мæ зæрдæ. Æрмæст уымæн нæ, æмæ дзы цы сырæзт, уыдон ахæм мæгуырау уавæры кæй уынын, фæлæ ма, нæ хорз æмæ зондджын фæсивæды ‘хсæн ахæм зондыл хæст кæстæртæ кæй ис, уый тыххæй дæр.
Банысан кæнын ма мæ фæнды уый дæр, æмæ цы ныппырх чындӕуыд уыдон хъæуы раивын, науæд æвидыц кæнынц, уынджы, горæты рæсугъддзинад.
Цхуырбаты Аннæ: «Раздæр дæр куыд нæ, фæлæ уынг цалцæг куы æрцыдис, уæд мæ хъæбулы хъæбултимæ изæрыгæтты арæхдæр рахизæм. Уыйæппæт рухсыты уындæй-иу сæ гыццыл зæрдæтæ хуры фарсмæ бадæгау фесты. Ныр ахæм ныв уынын хъыгаг у. Ахæм ми сын чи бакодта, уыцы фыдгæнджытæ – æндæр сæ цы схонон – райдианæй исты мадзӕлттӕ ист куы цыдаид, уæд абон дæр уаиккой æмæ, æрвылбон дæр ауылты цы бирæ адæм фæцæуы, уыдон фæисиккой æхцондзинад».
Гæззаты Хазби: «Æз Дменисы хъӕуы цæрын. Фæстаг цалдæр азы ауылты рацыдтæн дыууæ хатт. Фыццаг хатт уынг цалцæг куы æрцыд, уæд æмæ ныр. Абон уымæн, æмæ мæ ногæй фенын бафæндыд, уæд цы рæсугъддзинад федтон, уый. Фæлæ, стыр хъыгагæн, уæд кæуыл фæцин кодтон, уыцы фонартӕ ӕмӕ брӕтты асыччыты уындæй абон мæ зæрдæ нырхæндæг. Ахæм ми сын чи бакодта, уыдон, æвæццæ-гæн, сæ ныййарджытæй нæ райс-той фаг хъомылдзинад. Нæ сын бацамыдтой, цы у хорз æмæ æв-зæр. Афтæ чи фæзæгъы, зæгъгæ, æвзонг аххосджын адæймаджы тызмæг сдзурын æмæ бафхæры-нæй ничи сраст кæндзæнис, уы-дон не сты раст. Уымæн æмæ дзы райдианæй иу фæткхалæг æф-хæрд куы æрцыдаид, уæд мæм афтæ кæсы æмæ æндæртæ ахæм ми бакæнынмæ сæхи фæу-рæдтаиккой».
Гӕззаты Иван
Comments are closed, but trackbacks and pingbacks are open.