Хуссар Ирыстоны паддзахадон университеты уагъд æрцыдис фыссæг Хъа-зиты Мелитоны чингуытæ «Æрвон комулæфтимæ» æмæ «Историйы азхынцæг»-ы презентаци. Чингуытæ фыст сты Джыккайты Шамил æмæ Булкъаты Михалы цард æмæ сфæлдыстадыл. Презентацийы куысты хайад райстой ахуыргæндтæ, фысджытæ æмæ студенттæ. Презентаци байгом кодта æмæ чингуыты мидис æмæ авторы сфæлдыстады тыххæй лæмбынæг æрдзырдта университеты ирон литературæйы историйы кафедрæйы сæргълæууæг, профессор Плиты Гацыр.
Ныхасы ма рацыдысты æмæ чингуыты тыххæй сæ хъуыдытæ загътой Ирон литературæйы историйы кафедрæйы хистæр ахуыргæнæг Куыдзеты Иннæ, ирон филологийы кафедрæйы декан Тыбылты Ингæ, 6-æм астæуккаг скъолайы ирон æвзаг æмæ литературæйы ахуыргæнæг Дыгъуызты Лианæ, Парламенты комитеты сæрдар Гæбæраты Юри, университеты ирон æвзаджы кафедрæйы доцент, профессор Дзабиты Зарбег, уырыссаг æвзаджы кафедрæйы сæргълæууæг Тедеты Залинæ æмæ æндæртæ. Раныхасгæнджытæ се ‘ппæт дæр хорзыл банымадтой, ацы чингуытæ мыхуыры кæй рацыдысты æмæ сын ирон литературæйы истори ахуыр кæныны хъуыддаджы стыр нысаниуæг кæй ис, уый.
Тотеты Иван
Comments are closed, but trackbacks and pingbacks are open.