Стыр гоймӕгтӕ фӕхатынц, сӕ раттӕг адӕмӕн уырдыг лӕууынӕй канд сӕхицæн ном нæ фæкӕныныц, фӕлӕ сæ адæмæн дæр æмæ сӕ зонындзинӕдтӕ нӕ бавгъау кӕнынц сомбоны аккаг фӕлтӕр схъомыл кӕнынæн, сӕ курдиатӕй сӕ фӕхайджын кӕныны сæраппонд. Ахӕм разынд йӕ адӕмы ӕнувыд ӕмӕ иузӕрдион хъӕбул, Гуырдзыстоны аивӕдты сгуыхт архайӕг, Цӕгат Ирыстоны автономон республикӕйы адӕмон нывгӕнӕг Тугъанты Махарбег Сафары фырт дӕр. Уымæн йæ къухӕй бирӕ хорз фӕлтӕртæ рацыд, уыдон æхсӕн Хъотайты Григол, Санахъоты Барис, Турманты Димитр, Кокойты Уасил ӕмӕ бирӕ ӕндӕртӕ. Адон та сӕхи рады стыр бавӕрӕн бахастой ирон нываивады рӕзтмӕ, стӕй ма сомбонӕн курдиаттӕ схъомыл кӕнынмæ.
Хистӕр фӕлтӕры хорз традицитӕ дарддӕр кӕнынц, абон нывгæнæн ахуыргӕнӕндоны цы ахуыргӕнджытӕ кусы, уыдон. Директоры хӕстӕ ныртӕккӕ ӕххӕст кӕны ӕвзонг курдиатджын разамонӕг Зассеты Сӕрмӕт. Уый куыд банысан кодта, афтӕмӕй сӕ ахуыргӕнӕн уагдон райдианӕй фӕстӕмӕ стыр бавӕрӕн хӕссы курдиӕттӕ хъомыл кӕнынмӕ. Абоны онг Ирыстоны ис дыууӕ академик – сӕ иу у Бедойты Шалва ӕмӕ иннӕ та дзӕнӕттаг Козаты Ушанг, уыдон уыдысты нӕ ахуыргӕнӕндоны рауагъдонтӕ. Ацы уагдоны рауагъдонтӕ, ныр дзӕнӕттӕгтӕ Зассеты Хазби ӕмӕ Мамытаты Гивийӕн стыр у сӕ хайбавӕрд ирон керамикӕ сӕндидзын кӕнынмæ. Уыдон архивтӕй систой историон ӕрмӕг ӕмӕ бакуыстой Аланты керамикӕ райтынг кӕныныл, кӕд уӕззау уавӕрты куыстой, уӕддӕр. Абоны бон керамикӕйы куыстыл лӕуд у нӕ республикӕйы сгуыхт нывгӕнӕг Икъоты Никъала. Нырма сын нӕй бынат, фӕлӕ нӕ республикӕйы Президент Бибылты Анатоли ныфс бавӕрдта ног бынат сын срӕвдз кӕнынӕй. Уӕд ӕнӕмӕнг керамикон дӕсныйад бауарзын кӕндзысты курдиатджын фӕсивӕдӕн дæр. Зассейы фырт куыд загъта, уымӕ гӕсгӕ сӕ тых ӕмӕ хъарутыл нӕ ауӕрдынц ӕвзонг фӕсивӕды хъомыл кӕнгæйæ адӕмон нывгӕнӕг Бежанты Вадим, Хуссар Ирыстоны сгуыхт нывгӕн-джытӕ Икъоты Никъала, Пухаты Инал, ӕвзонгдӕр нывгӕнджытӕ Ӕлборты Ӕхсӕртӕг, Сабанты Анжелӕ,Тедеты Ритӕ, Плиты Джульеттӕ.
Фӕстаг азты рауагъдонтӕй цалдӕр ӕнтысгӕйӕ каст фесты Цхинвалы нывгӕнӕн ахуыр-гӕнӕндон ӕмӕ сын сӕ куыст ӕмӕ архайдӕн стыр аргъ кӕнынц фӕсарæнты дӕр. Цӕвиттон, Хъӕцмӕзты Каринӕйы ахуыргӕнӕндон каст фӕуыны фӕстӕ йӕ конд нывтӕм гӕсгӕ фӕхуыдтой Францмӕ, кусы ацы бӕс-тӕйы ӕмӕ нымад цӕуы сгуыхт нывгӕнӕгыл. Ӕндӕр рауагъдон Букуылты Аленӕ та цӕры Нью-Йорчы, бакодта студи ӕмӕ йын нывкӕнынады аивады ис зӕрдӕрухсгӕнӕн ӕнтыстытӕ. Зассеты Сӕрмӕт ма банысан кодта, зӕгъгӕ, сӕ ахуыргӕнӕндон ивгъуыд ӕнусы 70-ӕм азтӕй фӕстӕмӕ уӕды Цӕдисы ахста ӕртыккаг бынат йӕ рӕзгӕ кур-диатджын студентты руаджы.
Хуыбиаты Никъала
Comments are closed, but trackbacks and pingbacks are open.