Æвзонг фæлтæр цæмæй физикон æгъдауæй уой тыхджын æмæ æнæниз уый тыххæй сын арæзт цæуы, сæхи кæм фæлтæрой, алыгъуызон спортивон секциты кæм архайой, ахæм бынæттæ. Уыцы ахсджиаг хæс сæ зæрдыл дарынц Цхинвалы районы æмбæлон органтæ æмæ кусынц, цæмæй сæ фæсивæд цух ма уой. Æрæджы та районы цæрæнуатон-коммуналон хæдзарады разамынд (директор Уазæгты Мевлуд) йæ хъусдард аздæхта Къостайыхъæуы æвзонг фæлтæры рæстагон домæнмæ. Уыдон домдтой, цæмæй ам цы сæрибар бæстыхай ис, уый цалцæг кæнынмæ æрæвналой æмæ сын уа, сæ сæрибар рæстæг спорты æндæр æмæ æндæр хуызтæй сæхи фæлтæрынæн.

Уыцы домæн бахынцыд æрцыд æмæ дзы кусджытæ мæймæ æввахс кæнынц арæзтадон-цалцæггæнæн куыстытæ. Фыццаджыдæр уал æм бауагътой рухсы хахх, ифтонг уыдзæн хъæрмадæй дæр. Спортсменæн фæлтæрæнты фæстæ иууыл сæйрагдæртæй иу у, кæм æрулæфа æмæ хъарм донæй кæм спайда кæна, ахæм сæрмагонд бынат æмæ уыцы хæрзиуæгæй дæр уыдзысты хайджын. Куыстытæ ахицæн кæныныл, сæйраджыдæр, кусынц бынæттон аразджытæ.

ХУЫБИАТЫ Никъала

Ацы æрмæджытæ дæр бакæс:

Хæрзарæзт уынгтæм ма бафтдзæн аст Тагъд кæнынц сæ куыстытыл Олег Говоруны кусæгон балц Хуссар Ирыстонмæ Дзауы районы байгом кодтой дыууæ спортивон объекты Президент бабæрæг кодта объектты арæзтадон куыстытæ

Comments are closed, but trackbacks and pingbacks are open.