Мæскуыйы йæ кусæгон балцы рæстæджы Хицауады Сæрдар Бекъойты Геннади фембæлд Уæрæсейы Федерацийы Экономикон рæзты министры хæдивæг Дмитри Вольвачимæ.
Фембæлды темæ уыд 2022-2025 азты Республикæ Хуссар Ирыстоны социалон-экономикон рæзты программæ среализаци кæнын æмæ æхсæнхицауадон архайд.
Бекъойты Геннади фехъусын кодта, зæгъгæ, фембæлды фæлгæтты æруынаффæ кодтой паддзахадон программæйы финансон хай, механизм æмæ æххæст кæныны æмгъуыды фарстытыл.
«Программæ арæзт у æввахс цыппар азы Республикæ Хуссар Ирыстоны комплексон социалон-экономикон рæзтæн. Сæйраг хъусдард здæхт у ахæм фадгуытæм, куыд сæудæджерадон, хъæууон хæдзарад, туристон-рекреацион кластер. Ацы сæйраг фадгуытæм бахæсгæ инвестицитæ гæнæн ис æмæ суой Хуссар Ирыстоны экономикæ фæбæрзонддæр кæныны фæрæз, æмæ цæрджыты царды æмвæзад фæбæрзонддæр кæнын», – банысан кодта Бекъойты Геннади.
Хуссарирыстойнаг хицауадон делегацийы уæнгтæ Бекъойты Геннадийы сæргълæудæй æруынаффæ кодтой республикæйы социалон-экономикон рæзтыл Уæрæсейы Федерацийы профилон министрадтæ æмæ ведомствоты къухдариуæггæнджытимæ.
Фембæлдтыты хатдзæгтæн комментари дæтгæйæ, Хицауады сæргълæууæг банысан кодта, уыдон уагъд кæй æрцыдысты хæларадон, конструктивон атмосферæйы.
«Мах нæ кæрæдзи бамбæрстам æмæ мæ ныфс ис, уæрæсейаг коллегæтимæ кæй аскъуыддзаг кæндзыстæм загъдгонд фарстытæ æмæ хæстæ», – загъта Хицауады сæргълæууæг.
2022-2025 азты республикæйы социалон-экономикон рæзты программæ реализаци райдайдзæн нæуæг азы фыццаг мæйтæй.
Comments are closed, but trackbacks and pingbacks are open.