Арфæ – Банчы фадыджы кусджытæн

Банкон фадыджы цытджын кусджытæ!

Арфæ уын кæнын профессионалон бæрæгбон – Банчы кусæджы боны цытæн!

Банк у цыфæнды паддзахады æнæфæхицæнгæнгæ хай, растдæр банчы кусджыты цæсгомджын куыстæй, сæ профессионализмыл баст у Хуссар Ирыстоны æмбæстæгты фæрныгад æмæ хорз амалиуæгадон архайд.

Ныры дуджы банчы фадыджы кусынц бæрзонд квалификациджын специалисттæ, кæцыты куыстæн у зын саргъгæнæн. Уæ куыст домы æнувыддзинад.

Ныфс мæ ис, уæ архайд дарддæр дæр здæхт кæй уыдзæн паддзахады фæрныгад æмæ дидинæфтыдмæ.

Бузныджы ныхæстæ мæ фæнды зæгъын уæ цæсгомджын куыст æмæ уæ разылæууæг хæстæм бæрнон ахасты тыххæй. Мæ цæст уын уарзы фидар æнæниздзинад, фæрныгад, циндзинад æмæ ног æнтыстытæ Хуссар Ирыстоны хæрзиуæгæн!

Республикæ Хуссар Ирыстоны

Президент БИБЫЛТЫ Анатоли

 

***

Арфæ – Информацион агентад «Рес»-ы кусджытæн

Информацион агентад «Рес»-ы цытджын кусджытæ!

Зæрдиаг арфæ уын кæнын информацион агентадыл 26 азы сæххæсты боны цытæн!

Агентад «Рес» у Хуссар Ирыстоны дзыллон-информацион фæрæзтæй сæ иу. Ацы азты уый райста кæсджыты бæрзонд авторитет æмæ кад, сæйраджыдæр, мыхуыр æрмæджыты объективондзинад æмæ бæлвырддзинадæй. Агентад бирæ азты дæргъы цæры Республикæ Хуссар Ирыстонимæ, дих ын кæны йæ зындзинæдтæ æмæ æнтыстытæ, у бæстæйы æппæт политикон, экономикон æмæ социалон цауты æвдисæн.

Ныфс мæ ис, уæ куыстуарзондзинад, хъуыддагыл æнувыддзинад, уæ архайд алыхатт дæр хицæн кæндзæн информаци  æвдисыны объективондзинад æмæ оперативондзинадæй. Ныфс мæ ис, сымах дарддæр дæр кæй нæ фесафдзыстут дзыллон информацион фæрæзты раст æмæ профессионалон репутаци, агентады æрмæджытæ та æххуыс кæндзысты, республикæйы раз цы проблемæтæ ис, уыдон бæрæг кæнынæн.

Ацы нысаниуæгджын боны мæ цæст уарзы информацион агентад «Рес»-ы кусджытæн фидар æнæниздзинад, æнтыстытæ, фæрныгад æмæ хорздзинад!

Республикæ Хуссар Ирыстоны

Президент БИБЫЛТЫ Анатоли