Президент Бибылты Анатоли тел арвыста Республикæ Абхазы Президент Аслан Бжанияйæн Фыдыбæстæхъахъхъæнæджы мысæн боны сæраппонд.
Телы дзырдæуы:
Цытджын Аслан Георгийы фырт!
Республикæ Хуссар Ирыстоны æмæ дын сæрмагондæй мæхи номæй æрвитын фарсхæцынады æмæ мæсæллæйы ныхæстæ Фыдыбæстæхъахъхъæнджыты мысæн боны сæраппонд.
1992 азы 14 август у хъынцъымгæнæн æмæ зæрдылдарæн бон дæр Респуб-ликæ Абхазы нырыккон историйы, ссис абхазаг адæмы растады райдиан, кæцы уæззау зиæнтты аргъæй райста сæрибардзинад. Хуссар Ирыстоны адæм абхазаг æфсымæртæ æмæ хотимæ сæ сæрæй ныллæг кувынц Абхазы хъахъхъæнджыты раз, кæцытæ бæстæйы сæрибардзинад æмæ хæдбардзинады тохы равдыстой цæвиттойнаг хъайтардзинад æмæ æхсардзинад.
Хуссар Ирыстон хъынцъым кæны, Абхазы сæрибардзинады тыххæй сæ цард цы хæстонтæ радтой, уыдоны тыххæй æмæ сæрыстыр у уыцы хæстонты хъайтардзинадæй, кæцытæ кадимæ æххæст кодтой сæ хæс. Хъайтарты тыххæй мысынад, кæцыты нымæцы уыдысты Хуссар Ирыстонæй бархионтæ дæр æмæ сæ цард радтой Апсныйы сæрбардзинады тыххæй, баззайдзæн æнустæм.
Мæ цæст уарзы æфсымæрон абхазаг адæмæн амонд æмæ фæрныгад, Республикæ Абхазæн та – сабырад æмæ дидинæфтыд».
Comments are closed, but trackbacks and pingbacks are open.