Нæ республикæйы Президент Бибылты Анатоли бирæ зæрдиаг арфæтæ райста йæ фæндзай азы юбилейы цытæн сыгъдæгзæрдæ, хъарм ахаст æмæ иууыл хуыздæр фæндиæгтимæ. Се ппæтимæ уæ лæмбынæг базонгæ кæнæм, ома алы арфæ дæр æнæхъæнæй рахæссæм газеты фæрстæм, уый фадат нын кæй нæй, уымæ гæсгæ уæ уыдонæй зонгæ кæнæм, цалдæр, арфæйы текстимæ.
Уæрæсейы Федерацийы Президент Владимир Путины юбилейон арфæ Быбылты Анатолийæн
«Цытджын Анатоли Ильяйы фырт, райс мын мæ зæрдиаг арфæтæ дæ райгуырдыл 50 азы сæххæсты сæраппонд.
Ды уæзгæ хайбавæрд хæссыс нæ паддзахадты æхсæн æмцæдисон ахастыты æмархайдмæ. Уырны мæ, иумæйаг тыхтæй кæй ахъаз кæндзыстæм æппæт къабæзты дæр уæрæсейаг-хуссарирыстойнаг конструктивон бастдзинæдтæн.
Зæрдиагæй мæ фæнды дæуæн, цытджын Анатоли Ильяйы фырт, фидар æнæниздзинад, амонд, фæрныгад æмæ æнтыстытæ дæ паддзахадон архайды!».
Сирийаг Арабаг Республикæйы Президент Башар Асады арфæ
«Цытджын, господин Президент. Райс мæ иууыл зæрдиагдæр арфæтæ дæ райгуырæн боны цытæн! Мæ цæст дын уарзы бирæ азты æнæниз цæрæнбон, дæ бинонтæ æмæ де ‘ввахс адæмимæ фæрныгад æмæ амондджын уысмтæ.
Уæ бæстæйæн мæ зæрдæ зæгъы дарддæры рæзт æмæ дидинæфтыд, нæ дыууæфарсон ахастытæн та æппæт къабæзты дæр æнтыстджын рæзт.
Господин Президент, уырнæд дæ, стыр цыт æмæ дын аргъ кæй кæнын, уый.
Дæ гуырæнбоны хорзæх дæ уæд!»
***
Бибылты Анатолийы номыл ма йæ райгуырдыл 50 азы сæххæсты сæраппонд зæрдæбын арфæтæ æрæрвыстой Уæрæсейы Федерацийы Федерацийы Советы Сæрдар Валентинæ Матвиенко, Уæрæсейы Федерацийы Хицауады Сæрдар Михаил Мишустин, Уæрæсейы Федерацийы Хъахъхъæнынады министр Сергей Шойгу, Донецкы Адæмон Республикæйы сæргълæууæг Денис Пушилин, Луганскы Адæмон Республикæйы сæргълæууæг Леонид Пасечников, Республикæ Арцахы Президент Бако Саакян, Республикæ Абхазы Президенты хæстæ рæстæгмæ æххæстгæнæг Валери Бганба, Приднестроваг Молдоваг Республикæйы Президент Вадим Красносельский, Кæсæг-Балхъарты Республикæйы сæргълæууæг Хъазбег Коков, Севостополы Губернаторы хæстæ рæстæгмæ æххæст-гæнæг Михаил Развожаев, Хъæрæсе-Черкесты Республикæйы сæргълæууæг Рашид Темрезов, Пензæйы областы губернатор Иван Белозерцев, Татарстаны Президент Рустам Минниханов, Уæрæсейы Федерацийы Паддзахадон Акционерон Æхсæнад «Газпром»-ы Правленийы сæрдар Алексей Миллер æмæ бирæ æндæр паддзахадон, æхсæнадон архайджытæ.
***
Ирон литературæйы кафедрæйы уæнгтæ: Плиты Гацыр, Хъазиты Мелитон, Биазырты Аллæ, Плиты Серго, Мадинæ, Куыдзеты Иринæ, Æлборты Людмилæ æмæ Болататы Юрæ зæрдиаг арфæ кæнынц, сæ уарзон Президент, нæ адæмы патриот, ирондзинады сæрбосыл хæст Бибылты Анатолийæн йæ гуырæнбоны цытæн. Цæр нын æнæниз, амондджынæй, макуы нын бафæллай дæ æрдхæрæны куысты. Фæцæр нын цæстырухс æмæ хъаруджынæй Беджызаты Пепе æмæ Хъороты Агоры бæрц.
Бантысæд дын Иры дыууæ хайы баиу кæнын.
Уастырджы де ‘мбал!
Comments are closed, but trackbacks and pingbacks are open.