РХИ-йы Президент Бибылты Анатоли Хæлардзинады орденæй схорзæхджын кодта Дунеон Артиаг комитеты вице-президент, Уæрæсейы æрдззонынæдты академийы академик Ауес Бетугановы.
Хорзæх ын лæвæрд æрцыд зонад æмæ культурæйы къабазы йе стыр лæггæдты, бирæазон зонадон педагогон архайды æмæ йæ райгуырдыл 70 азы сæххæсты тыххæй.
Фембæлды рæстæджы Бибылты Анатоли бузныг загъта Ауес Бетугановæн Республикæ Хуссар Ирыстонмæ йæ лæмбынæг хъусдарды тыххæй.
«Алыгъуызон адæмтæн ис алыгъуызон культурон æргъадтæ, алыгъуызон менталитет. Æмæ алы адæм дæр йæ культурæйы хæссы цавæрдæр рухсдзинад æмæ хæрзиуæг. Фæнды мæ дæуæн бузныг зæгъын, кæй нæм æрцыдтæ æмæ нын кæй балæвар кодтай де сфæлдыстад. Ахæм мадзæлттæ ахъаз кæнынц нæ адæмты æнгомдæр ахастытæн», – загъта Президент. Ауес Бетугановимæ Цхинвалмæ æрцыдысты Кæсæг-Балхъар æмæ Цæцæны республикæты сфæлдыстадон интеллигенцийы минæвæрттæ Мадина Мамбетова, Джульетта Мезова æмæ Таиса Парсанова.
Фембæлд уыдис Хуссар Ирыстоны паддзахадон университеты æмæ йæм чи æрбацыдысты, уыдонæн уазджытæ равдыстой чысыл концерт.
Comments are closed, but trackbacks and pingbacks are open.