Хуссар ӕмӕ Цӕгат Иры ахуыргӕндтӕ хайад райстой IX Ӕхсӕнадӕмон конференцийы “Петербург ӕмӕ националон музыкалон культурӕтӕ: Кавказы адӕмты музыкалон традицитӕ. Галаты Барисы райгуырды 130-ӕм боны цытӕн” докладтимӕ ирон композиторы цард ӕмӕ сфӕлдыстады тыххӕй.

Цӕгат Ирыстоны культурӕйы сгуыхт кусӕг ӕмӕ Галаты Барисы номыл музейы сӕргълӕууӕг Гаглойты Лианæ йæ раныхасы банысан кодта, зæгъгæ, Кавказы тематикӕйыл ахӕм масштабы конференци уагъд цӕуы фыццаг хатт.

“Ахуыргӕндтӕ стыр цымыдисдзинад равдыстой конференцимæ – ӕрцыдысты делегацитӕ Нальчик, Майкоп, Дзӕуджыхъӕу, Дагъыстанӕй, афтӕ ма Венгри, Израиль, Хуссар Ирыстон ӕмӕ Петербургӕй”, – загъта уый.

Конференцийы фӕлгӕтты, Санкт-Петербурджы фольклорон коллективты хайадистæй уагъд æрцыд концерт, хайад ма дзы райстой Адыгей ӕмӕ Цӕгат Ирыстоны аивадон коллективтӕ, Галаты Барисы сфӕлдыстадæй музыкалон уацмыстæ сӕххӕст кодтой Марияйы театры артисттӕ. Гаглойты Лиана бафтыдта, конференцийы хайадисджыты кӕй фӕхуыдтой Марияйы театры спектакльмӕ.

“Ӕвӕццӕгӕн, ӕрӕвӕрдзыстӕм фарст, цӕмӕй арæхдæр аразæм ахæм мадзæлттæ. Конференцийы фӕстиуджытӕм гӕсгӕ рауадздзыстæм чиныг”, – загъта Гаглойты Лианæ.

Мадзал сорганизаци кодта Санкт-Петербурджы Ирон минӕварад ӕмӕ Галаты Борисы номыл культурӕйы фонд “Центр Содействия”.

 

Ацы æрмæджытæ дæр бакæс:

Default Thumbnail«Уӕлахиз – ӕнӕрӕдыд!» – «Æппӕтӕй уӕлдӕр – уӕлахиз!» Default ThumbnailРеспубликæ Хуссар Ирыстоны Парламенты Уынаффæ «Алгъуызы» иу тæлмацы тыххæй, кæнæ куыд фæзынынц историон мифтæ æмæ мæнг халдихтæ Архайы Галаты Барисы номыл культурæйы фонд Куыст Цæуы Галаты Барисы хæдзар-музей саразыныл

Comments are closed, but trackbacks and pingbacks are open.