Республикæ Хуссар Ирыстоны Президент Бибылты Анатоли хайд райста Дзæуджыхъæуы Хæххон паддзахадон аграрон университетыл 100 сазы сæххæсты цытæн цытджын æмбырды.

Хуссар  Ирыстонæй уæлдæр  ахуыргæнæндоны юбилеймæ ацыдысты РХИ-йы Хицауады Сæрдар Пухаты Эрик, ахуырад æмæ зонады министр Гасситы Натали, РХИ-йы æртыккаг Президент Тыбылты Леонид, æндæр официалон адæймæгтæ, афтæ ма республикæйы интеллигенци æмæ ХИПУ-йы профессорон-ахуыргæнджыты сконды минæвæрттæ.

Цытджын æмбырд байгом кодта Хæххон паддзахадон аграрон университеты ректор Темыраты Виктор, кæцы радзырдта æрæмбырдуæвджытæн университеты историйы тыххæй йæ сарæзтæй фæстæмæ, афтæ ма æрымысыд уæлдæр ахуыргæнæндоны зындгонд рауагъдонты дæр.

Сæдæ азы юбилейы цытæн университеты коллективæн раарфæ кодта РЦИ-Аланийы Сæр-гълæууæг Битарты Вячеслав, кæцы йæхæдæг  у ацы уæлдæр ахуыргæнæндоны рауагъдон.

Хæххон паддзахадон аграрон университеты традицитæ дарддæр кæныны фæдыл йæ фæндиæгтæ загъта РХИ-йы Президент Бибылты Анатоли дæр.

«Арфæ уын кæнын ацы нысаниуæгджын боны цытæн. Æз хорз æмбарын Хæххон паддзахадон аграрон университеты алы рауагъдоны, студентты æнкъарæнтæ, уымæн æмæ æрæджы мæхæдæг дæр банысан кодтон мæ уæлдæр ахуыргæнæндоны сæдæ азы юбилей. Ацы университет каст чи фæцис, уыдонæй сæрыстыр дæн, кæцыты ‘хсæн ис 20 Социалистон куысты Хъайтартæ æмæ Советон Цæдисы хъайтар. Сæрыстыры æнкъарæнтæй йедзаг кæны зæрдæ педагогон коллективæй дæр, кæцытæ цæттæ кæнынц профессионалон кадрты.

Республикæйы къухдариуæгады, федералон хицауады фарсæрдыгæй цы хъусдард цæуы, уый ныфс дæтты уæлдæр ахуыргæнæндоны рæзтæн. Мæ цæст уын уарзы дарддæры дидинæфтыдад» – загъта Бибылты Анатоли

Бибылты Анатоли радта РХИ-йы паддзахадон хорзæхтæ.

Цытджын æмбырд адарддæр ис концертон программæйæ,  ахуыргæнæндоны сфæлдыстадон коллективты хайадистæй.

Хæххон паддзахадон аграрон университет у Цæгат Кавказы рагондæр уæлдæр ахуыргæнæндон, байгом 1918  азы.  Йæ сырæзтæй  фæстæмæ уый рауагъта 48 000 специалистæй фылдæр.

Университеты рауагъдонты ‘хсæн сты ахуыргæнд-тæ, кондады организатортæ, зынгæ паддзахадон æмæ æхсæнадон архайджытæ.

Республикæ Хуссар Ирыстоны

Президенты пресс-службæ

Ацы æрмæджытæ дæр бакæс:

Default ThumbnailРæсугъд æмæ цины æнкъарæнтимæ Нæ сæрыстырдзинад – нæ паддзахадон университет Профессор, академик, ахуыргонд æмæ йæ радтæг адæмы аккаг фырт Студентон азтæ адæймаджы царды сты иууыл цымыдисондæр Чемпионы уæлахиз – нæ иумæйаг цин

Comments are closed, but trackbacks and pingbacks are open.