Дзул у сæйрагдæр хойраг. Ныртæккæ йæ кæнынц хоры ссады алы хуызтæй. Нæ республикæйы дзулфыцæн-уæйгæнæн магазин «Дом хлеба»-йы кой бирæтыл айхъуыст, кæд æрæджы байгом, уæддæр.
Кусæг персонал фылдæр сты æвзонг фæлтæр, уыдон худындзаст æмæ зæрдæхæларæй сæмбæлынц æлхæнджытыл. Æлхæнæджы зæрдæ цæмæй барухс уа, уый тыххæй уыдон æххæст кæнынц æппæт æмбæлон домæнтæ. Цалынмæ горæты цæрджытæ сæ тарф фынæйыл вæййынц, уæдмæ дзулфыцджытæ æмæ кондитертæ балæууынц сæ куысты уæлхъус, цæмæй адæмæн сæ аходæнмæ сфыцой хъарм дзул æмæ кондитерон хæринæгтæ. Дзулы, адджинæгты бирæ хуызтæ сæумæцъæхæй райдайынц æвæрын сæ дуканийы тæрхджытыл. Дзулфыцæны алы куыст дæр у автоматизацигонд.
«Дом хлеба»-йы продукцийы ассортимент кæны уæрæхæй уæрæхдæр – ис сæм дзулы бирæ ног хуызтæ. Магазины ма ис, туджы сæкæры бæрц чи нæ хизын кæны, ахæм дзул дæр. Конд у æнæ æнхъизæн. Кусджытæ тынг зæрдиагæй кусынц æрвылбон нæ горæты цæрджытæм хæрзхъæд æмæ хæрзад дзул хæццæ кæныныл.
Ныртæккæ дзулфыцæн архайы цæмæй горæты æндæр рæтты дæр бакæна магазинтæ йæ продукциимæ. Дукани ма æххæст кæны хæдзармæ ласыны лæггæдтæ дæр.
ДРИАТЫ Лейла
