Хицауады Сæрдар Пухаты Эрик схъæлæс кодта, Хуссар Ирыстоны Уæрæсейы Федерацийы минæварады цы фадыг ис, уым Уæрæсейы Федерацийы Конституцимæ барасткæнинæгтæ бахæссыны тыххæй.
Журналистты фарстæн, куыд аргъ кæны хъæлæс кæныны цыдæн, Пухаты Эрик банысан кодта, зæгъгæ, æдасдзинады фæдыл ист цæуынц æппæт мадзæлттæ æмæ алцыппæт дæр арæзт цæуы æмбæстæгты æнцойвадатæн.
«Уæрæсейæгтæ æвзарынц сæ бæстæйы сомбон. Цахæм фæндагыл рæздзæн дарддæр, уый баст у алы æмбæстагыл дæр.
Ахсджиаг у Уæрæсейы Конституцийы приоритет. Сæйраджыдæр здæхт у сабырдзинад æмæ æдасдзинад сфидар кæнынмæ, паддзахад æмæ адæмы сабыр цард ифтонг кæнынмæ, социалон гарантитæ æмæ адæймаджы бартæ сфидар кæнынмæ, бинонты æмæ бинонты хæзнатæ хъахъхъæнынмæ, гъæдджын медицинон æххуысы æнцонвадатмæ.
Нæ республикæйы фылдæр цæрджытæ сты Уæрæсейы æмбæстæгтæ, уымæ гæсгæ уæ курæг дæн, Уæрæсейы паддзахады æмбæстагыл йæхи чи нымайы, уыдон хъæлæс кæныны хайад райсой. Адæмы æнцойвадатæн арæзт æрцыд график, фадгуыты æххæст цæуынц æдасдзинады æппæт мадзæлттæ», – банысан кодта Пухаты Эрик.
Зæрдыл лæууын кæнæм, се ‘мбæстагон позици Уæрæсейы Федерацийы Конституцимæ хастцæуæг ивындзинæдты фæдыл равдисын гæнæн ис 1-аг июлмæ.
Comments are closed, but trackbacks and pingbacks are open.