Президент Бибылты Анатоли бацыд 4-æм уæрæсейаг гвардион æфсæддон базæмæ, цыран уагъд æрцыд форум «Армия-2021»-ы фæлгæтты æфсæддон-техникон равдыст.
Форум байгом кæнынмæ ма бацыдысты Республикæ Хуссар Ирыстоны Уæрæсейы Федерацийы Уæлвæткон æмæ Æххæстбарджын минæвар Марат Кулахметов, Хицауады Сæрдар Бекъойты Геннади, Президенты Администрацийы къухдариуæггæнæг Козаты Игорь, Парламенты депутаттæ.
Афицертæн æмæ æрæмбырдуæвджытæн арфæйы ныхæстæ дзургæйæ Президент банысан кодта ауадзгæ мадзалы ахсджи-агдзинад.
«Армия-2021» у ахсджиаг проект, кæцы æвдисы уæрæсейаг æфсады гæрзифтонгад, техникæ æмæ фадæттæ. 4-æм æф-сæддон базæйы фадæттæ нын ныфс æвæрынц æдасдзинад æмæ хъахъхъæнынады, нæ иумæйаг знæгты фарсæрдыгæй цыфæнды реванштæ æмæ провокацитæм бафæл-вæрдтытæй», – загъта уый.
Йæхи фарсæрдыгæй Марат Кулахметов банысан кодта, зæгъгæ, 4-æм уæрæсейаг æфсæддон базæ æвдисы æппæт фадæттæ дæр, кæцытæ бæлвырд кæнынц, Хуссар Ирыстон кæй ис фидар хъахъхъæнынады бын.
Банысан кæнын хъæуы, форум «Алания-2021»-ы фæлгæтты æфсæддон базæйы уазджытæн равдыстой æфсæддон техникæ, кæцытæ сты 4-æм æфсæддон базæйы, афтæ ма уагъд æрцыд æвдисæн æфсæддон ахуыртæ.
Мадзал фæцис бæрæгбонон концертæй.
Comments are closed, but trackbacks and pingbacks are open.