Майкопы уагъд цæуы æвзæнгты ‘хсæн Уæрæсейы чемпионат уæззау ателтикæйæ. Уым Уæрæсейы рекорд йæ къухты бафтыд ирон спортсменкæ Гуссалты Заринæйæн. Золойты Хъазбеджы хъомылгæнинаг иу риуыгъдæй систа 111кг, «толчок»ы та – 131 кг. Афтæмæй 242 кг бæрæггæнæн равдисгæйæ, ссис ерысты уæлахиздзау æмæ сæххæст кодта Уæрæсейы ног рекорд. Раздæры рекорд уыд 240 кг.
УЫДЗÆН НОМАРÆН ТУРНИР
17-18 ноябры Дзæуджыхъæуы уагъд æрцæудзæн уæгъдибар хъæбысхæстæй дыууæ хатты Олимпион чемпион Андиаты Сосланы номарæн æпптæуæрæсейон турнир. Цæгат Ирыстоны столицæмæ Уæрæсейы Федерацийы 15 субъектæй æрбацæудзысты 250 спортсменæй фылдæр. Ерыстæ уагъд цæудзысты спорты галуан «Манеж»-ы. Спортсментæ тох кæндзысты хорзæхты 10 комплектыл
САМБО
Козырты Саломон ссис горæт Курганинскы уагъдцæуæг самбойæ дунейы чемпион А.М. Агамиряны номарæн æппæтуæрæсейон турниры уæлахиздзау. Саломон рамбылдта 53 кг уæзы категорийы æмæ афтæмæй сæххæст кодта «Уæрæсейы спорты дæсны»-йы норматив.
Ерысты æвзист призер та ссис Колыты Тамерлан. Уый та архайдта 64 кг уæзы категорийы.
ХУРИТЫ Батрадз
