Æрымысыдысты Хетæгкаты Къостайы рухс ном
Ирон литературæйы бындурæвæрæг, поэт, публицист, нывгæнæг Хетæгкаты Къостайы амæлæты боныл 115 азы сæххæсты бон йæ цырты раз уагъд æрцыд дидинджытæ сæвæрыны церемони Культурæйы министрады хъæппæрисæй.
Мадзалы хайад райстой республикæйы официалон адæм Хицауады Сæрдар Бекъойты Геннадийы сæргълæудæй, зонадон æмæ сфæлдыстадон интеллигенцийы минæвæрттæ, æхсæнад.
«Хетæгкаты Къостайы амæлæтæй 115 азы кæй рацыд, уымæ нæ кæсгæйæ, нæ зынгæ æмзæххоны рухс ном дарддæр дæр цæры адæмы ‘хсæн, йæ алыварсон, арф гуманистон сфæлдыстад рухс кæны алы ног фæлтæры зæрдæтæ дæр, æрмæст ирæтты ‘хсæн нæ, фæлæ – æппæт Кавказы. Æмæ цалынмæ адæмы зæрдæты цæры Къостайы поэзи, хъуысы йæ дзырд, уæдмæ цæрдзысты сæрибардзинад æмæ уарзондзинад», – загъта Бекъойты Геннади церемонийы рæстæджы.
Comments are closed, but trackbacks and pingbacks are open.