Хуссар Ирыстоны æрыгон каратисттæн цæттæгæнæн ахуыртæ райдыдтой 20 июлæй Кърозы хъæуы, базæ «Къроз-Тур»-ы. Ам спортсментæ уадзынц тренировкæтæ æмæ ма сфидар кæндзысты се ‘нæниздзинад дæр. «Хæххон бынат хуымæтæджы æвзæрст не ‘рцыд. Командæ йæхи цæттæ кæны сентябры райдианы Цæгат Кавказы гом чемпионаты хайад райсынмæ, кæцы уагъд цæудзæнис Ставрополы горæты. Уый фæстæ 8 – 12 октябры уагъд цæудзæнис Сочийы горæты Уæрæсейы чемпионат. 12-16 ноябры та Самарайы горæты уагъд цæудзысты ерыстæ Уæрæсейы кубокыл æмæ Фæсивæды æппæтдунеон ерыстæ «Самарский кастман». Ныртæккæ Кърозы хъæуы цы спортментæ тренировкæ кæнынц, уыдон сты, сæрмагондæй ацы ерысты хайад чи хъуамæ райса, уыдон», – зæгъы каратистты тренер, Хуссар Ирыстоны Æфсæддон хъæзтыты Федерацийы сæйраг тренер Созайты Владимир.

Æрыгон спортсментæ майы мæйы хуынд уыдысты Санкт-Петербургы Европæйаг ерыстæм, фæлæ сын ацæуыны фадат нæ фæцис, коронавирусы пандемийы фæдыл тобæтæ æвæрд кæй æрцыд, уый аххосæй. Куыддæр нæхимæ бар радтой тренировкæтæ кæнынæн, афтæ спортсментæ спорты галуан «Олимп»-ы адарддæр кодтой сæ тренировкæтæ. Фæлæ сæ тренер Созайты Владимиры ныхæстæм гæсгæ хæххон бынаты тренировкæтæ спортсменæн дæттынц уæлдай тых. Кърозы хъæу у денджызы æмвæзадæй 1650 метры бæрзонддæр. Ам цы сыгъдæг, сатæг уæлдæф ис, уый хъуамæ хуыздæрæдæм бандава сывæллæтты æнæниздзинадыл. Кърозы хъæумæ каратисттæ ахастой сæйраг спортивон инвентарь æмæ сæ уым сæвæрдтой, ныр бон æртæ хатты кæнынц тренировкæтæ. Хæлцæн сын дæттынц натуралон продукттæй хæринæгтæ. Спортсментæй иуы ныййа-рæг Джыгкайты Залинæ радон улæфт райста сæрмагондæй, цæмæй сывæллæттæн афоныл араза хæринаг. Сывæллæтты хæрзиуæгæн ма лагеры территорийыл сæвæрдтой бассейн дæр.

Созайты Владимир зæгъы, зæгъгæ, сыгъдæг уæлдæфмæ тренировкæтæй дарддæр ма сæ программæмæ хаст сты историон бынæттæм балцытæ.

Сентябры мæйы æппæтадæмон ерыстæм чи ацæудзæн, уыцы командæйы сконды сты Дунейы чемпионкæ Дудайты Доннæ, Цæгат Кавказы зылды чемпионкæтæ Тыджыты Иринæ æмæ Тадтаты Аннæ, Уæрæсейы чемпионкæ Кристина Журавлева, Цæгат Ирыстон-Аланийы уæлахиздзаутæ Лалыты Джер æмæ Джиоты Эрик.

Тренер ма нын куы загъта, афтæмæй сывæллæттæ ныр дыккаг къуыри сты Кърозы хъæуы. Интернет æмæ сæм телевизор кæд нæй, уæддæр сæхи æнæ уыдон дæр хатынц иттæг хорз.

УАЗÆГТЫ Марфа

Ацы æрмæджытæ дæр бакæс:

Карантины домæнтæ ист цæуынц Фæнд кæнынц каратэйы федераци саразын Default ThumbnailАхæмтæй сæрыстыр вæййы наци кæнæ та райгуырæн Ирыстонæн кадгæнджытæ Куымæридтаты Вадим – грекъаг-римаг хъæбысхæстæй Уæрæсейы æмбырдгонд командæйы генералон менеджер Уæгъдибар хъæбысхæстæй Олимпион чемпионтæ ауагътой мастер-класстæ хуссарирыстойнаг æрыгон спортсментæн

Comments are closed, but trackbacks and pingbacks are open.