Цæгат Ирыстоны

ЦÆГАТ КАВКАЗЫ ФÆСИВÆДОН ФОРУМ «МАШУК» УАГЪД ÆРЦÆУДЗÆН ИУÆНДÆСÆМ ХАТТ

Форум арæзт æрцæудзæн онлайн хуызы. Райдайдзæн 10-æм августы æмæ ахæсдзæн 26-æм августмæ.

Архайджытæ цæттæ кæнынц егъау ахуырадон программæ. Æмбæлдзысты кадджын уазджытимæ, араздзысты сфæлдыстадон мадзæлттæ. Проекттæ дæр адæмы рæгъмæ рахæсдзысты онлайн хуызы. Аргъ сын кæндзысты федералон эксперттæ. Архайджыты регистраци кæронмæ æрхæццæ ис. Форумы архайынмæ куырдиæттæ балæвæрдтой 323 адæй-маджы. Квотæмæ гæсгæ дзы равзардзысты 290. Гранты бæрц ацы аз у 300 мин сомы.

Куырдиат бадæттæн уыдис 16 номинацимæ гæсгæ. Бæлвырддæр та – бархиондзинад, патриотон хъомылад, курдиатджын фæсивæды хъæп-пæрис, бинонты хæзнаты хъахъхъæнынад æмæ æндæртæ.

КОМПЕНСАЦИЙЫ ХУЫЗЫ РАЙСТОЙ ÆХЦАЙЫ ФÆРÆЗТÆ

Республикæйы 37 мин адæймаджы компенсацийы хуызы райстой æхцайы фæрæзтæ. Ахæм æххуыс бакæнын æмбæлд цалдæр категорийæн. Афтæ 1200 сомы райсдзысты, куыстхъом чи у, фæлæ ацæргæ адæймæгтæ, кæнæ та 80 азæй фылдæр кæуыл цæуы, æнæ искæйы æххуысæй кæй бон нæу архайын,  стæй 1-æм къæпхæны инвалидмæ  чи кæсы, уыцы адæм. Ардæм нæ хауынц гуырдзæй рацæугæ рынчынтæ. 18 азы онг инвалидтæм, кæнæ та сывæллонæй рынчын чи у, уыдонмæ чи зилы, уыцы адæм æрвылмæй хъуамæ исой 10 мин сомы. Фиддонтæ райсынæн пенсион фонды сайтмæ, кæнæ та паддзахадон лæггæдты порталмæ  хъæуы куырдиат бадæттын. Уый скæнæн ис бирæвæрсыг центрты. Цæгат Ирыстоны ма коронавирусы пандемияйы тыххæй 31 августмæ аргъæвтой, æнæ дарæгæй чи баззад, æмæ æстдæс азы кæуыл сæххæст, уыцы сывæллæттæн фиддонтæ. Уый тыххæй фехъусын кодта пенсион фонды цæгатирыстойнаг хайады разамонæг Таболты Сергей. Августы пенсион фонд кусæг пенсиисджытæн сæ фиддонтæ ногæй банымайдзæн. Уыцы хъуыддаджы æнцой кæндзысты 2019-æм азы фæдзæхстадон фиддонтыл.