Республикӕ Хуссар Ирыстоны Президент Бибылты Анатоли фембӕлд горӕт Рандаццойы сӕргьлӕууӕджы хӕдивӕг Карамело Тиндаро Скализиимӕ, кӕцы ӕрцыд горӕт Цхинвалы администраци ӕмӕ италиаг провинци Катанийы горӕт Радаццойы муниципалитеты ‘хсӕн ӕмгуыстады фӕдыл Сразыдзинадыл къухтӕ ӕрфыссыны тыххæй.
Фембӕлды ма хайад райстой горӕт Цхинвалы администрацийы сӕргълӕууӕг Коцты Алан ӕмӕ Италийы РХИ-йы минӕвар Мауро Мурджиа.
Бибылты Анатоли банысан кодта, къухтӕ цы документыл ӕрфыстӕуыд, уый ахсджиагдзинад.
«Ӕхсызгон мын у, кӕй ис ахӕм адӕймӕгтӕ, кӕцыты цымыдис кӕны Хуссар Ирыстон, йӕ рагон истори, бзерзонд культурӕ ӕмӕ уазӕгуарзӕгой адӕм. Max стыр нысаниуӕг дӕттӕм Сразыдзинадӕн, уымӕн ӕмӕ тырнӕм, цӕмӕй нӕ республикӕйы, йӕ демократией принципты, культурӕйы, хӕлардзинад ӕмӕ ӕмгуыстадмӕ цӕттӕ уӕвынады тыххӕй фылдӕр бӕстӕтӕ базоной», – загьта Президент.
Уый ма ныфс бавӕрдта, зӕгъ гӕ, дыууӕ горӕтты ӕмвӕзадыл цы ахастытӕ бӕстон цӕуынц, уыдон фадат кӕй дӕттынц ӕхсӕнхицауадон ахастытӕм ахизынӕн.
«Цхинвал ӕмӕ Рандаццойы ӕфсымӕрдзинады фӕдыл Сразыдзинад ахъаз кӕндзӕн дыууӕ адӕмы ӕмархайдӕн», – банысан кодта паддзахады сӕргълӕууӕг.
Йӕ рады, Кармело Тиндаро – Скалази бузныджы ныхӕстӕ загьта Бибылты Анатолийӕн йӕ хъарм райст ӕмӕ Хуссар Ирыстоны ӕрдзӕй цы тӕлмӕнтӕ райста, уый тыххӕй.
«Махӕн тынг ӕхсызгон у, горӕт Цхинвалы администрациимӕ ӕмгуыстады фӕдыл Сразыдзинадыл нӕ къухтӕ кӕй ӕрфыстам, уый. Уый ахъаз уыдзӕн дыууӕварсон ахастытӕ ӕнтыстджынӕй размӕ кӕнын. Ныр куыст ӕрмӕст горӕт Рандаццоимӕ нӕ цӕудзӕн, фӕлӕ ӕндӕр италиаг горӕттимӕ. Нӕ хӕлардзинадӕн ис хорз перспективӕтӕ», – загьта уый.
Фембӕлды кӕрон дыууӕ фарс дӕр сӕ кӕрӕдзийӕн балӕвар кодтой зӕрдылдарӕн лӕвӕрттӕ.
РХИ-йы Президенты ӕмӕ Хицауады пресс-службӕ
Comments are closed, but trackbacks and pingbacks are open.