Дзауы поселочы Сталины уынджы цалцæггæнæн куыстытæ райдыдтой майы æмæ фæуыдзысты ноябры мæйы, уый фæстæ цалцæггæнæн куыстытæ райдайдзысты Санахъоты Геннадийы уынджы.
Райадминистрацийы пресс-секретарь Тедеты Лианæ фехъусын кодта, зæгъгæ, Сталины уынджы уагъд цæуынц донифтонгады æмæ канализацийы хызæгтæ уадзыны куыстытæ.
«Фадыджы цы хæдзæрттæ ис, уыдон иу æрцæудзысты хызæгтæм. Уымæй уæлдай, 800 метры нæ фæнд кæнынц инженерон хызæгтæ ауадзын æмæ кусджытæ цæттæ кæнынц уыцы фадыг асфальт кæнынмæ. Фæндаг асфальт æрцæудзæн мæйы кæронмæ», – банысан кодта пресс-секретарь.
Йæ информацимæ гæсгæ, электроифтонгады хæххыты гом телтæ ивд æрцæудзысты хæдизоляцигонд телтæм.
Тедеты чызг куыд банысан кодта, афтæмæй куыстытæ уагъд цæуынц уæрæсейаг Инвестицион программæйы фæлгæтты, кæцымæ паддзахады сæргълæууæджы бахæсмæ гæсгæ хаст æрцыд ацы объект.
ИА «Рес»
Comments are closed, but trackbacks and pingbacks are open.