Хуссар Ирыстоны медицинон уагдæттæ æппæтдæр ифтонг цæуынц ног нырыккон ифтонг-гæрзтæй. Уыцы нымæцы цы ног хирургион комплекс арæзт æрцыд, уый дæр ифтонг æрцыд хъæуæг ифтонггæрзтæй, сæвæрдтой дзы Швейцарийы уагъд нырыккон компьютерон томограф. Ацы нырыккон томограф нæм кæй нæ уыд, уый тыххæй адæм тынг тыхстысты, рынчынты-иу бахъуыд республикæйæн æддæмæ арвитын. Кæд нын Хуссар Ирыстоны хæдбардзинад расидыны размæ райстæуыд, пайда кæмæй цыд ахæм томограф, уæддæр ацы проблемæ скъуыддзаг не ‘рцыд.
Ныр нæ республикæйы фæзынд нырыккон томограф æмæ кæд нырма хирургион комплекс эксплуатацимæ лæвæрд не ‘рцыд, уæддæр дзы басгæрстæуыд 20 рынчынæй фыл-дæр.
Фæлæ дохтыр-рентгенолог Саулохты Георги куыд зæгъы, афтæмæй сын фæзынд æнæнхъæлæджы проблемæтæ. Куыд рабæрæг, афтæмæй не ‘мбæстæгтæ куы базыдтой, ног томограф сæвæрдтой æмæ сæ ныр республикæйæн æддæмæ цæуын нал хъæуы уæд домынц, цæмæй сын саразой томографи хъæуа æви нæ. «Компьютерон томограф, массон профилактикон басгæрстытæ уадзынæн нæу. Уый араздзыстæм æрмæстдæр дохтыры амындмæ гæсгæ, уый йæ хъуамæ зæгъа, хъæуы æви нæ томограф аразын. Зонын хъæуы магнитон-резонансон томографæй компьютерон томографæн егъаудæр кæй сты йæ тынты æндæвдад æмæ йæ уый тыххæй арæх аразын нæ хъæуы», – банысан кодта Саулохты Георги.
«Томограф æнæмæнгхъæ-уæг у рагъыстæг, æрхæгтæ, стджыты онкологи æмæ сæры цæфтæ раиртасынæн. Уымæй уæлдай ма компьютерон томографы руаджы хорз раиртасынц рæуджыты низ», – загъта Георги.
Йæ ныхæстæм гæсгæ компьютерон томографы руаджы ис ссæдзæй фылдæр алыгъуызон басгæрст ауадзæн.
Нæ уацх.
Comments are closed, but trackbacks and pingbacks are open.