Республикæ Хуссар Ирыстоны Хицауад кусы специалистты цухдзинады проблемæйыл, кæцытæ кусдзысты, эксплуатацимæ цы объекттæ лæвæрд æрцыдысты, уыдоны электроифтонггæрзтыл.
Ацы темæйыл уынаффæ цыдис РХИ-йы Хицауады Сæрдар Пухаты Эрикæн РХИ-йы Хицауады Cæрдары хæдивæг – Экономикон рæзты министр Бекъойты Геннадиимæ, Культурæйы министр Зассеты Жаннæ, Æнæниздзинад хъæхъхъæныны æмæ социалон рæзты министр Тотчиты Георги, Арæзтад, архитектурæ æмæ цæрæнуатон-коммуналон хæдзарады министр Зæгъойты Эдуард æмæ генералон подрядон организацийы минæвæрттимæ цы кусæгон фембæлд уыд, уым.
«Æппæт ног бæстыхæйттæ, уыимæ иумæ медиционон кластер, ХИПУ, театр, ифтонг сты нырыккон техникæйæ, фæлæ сын лæггадгæнæг персонал нæ фаг кæны. Мах хъæуы ахæм специалисттæ, кæцытæ хорз зонынц вентиляцион æмæ лифтон ифтонгад, хъармгæнæнтæ доныцъирæнтæ, вазыгджын сценæйон аппарартурæ, телефонон бастдзинады спецификæ æмæ афтæ дарддæр. Техникон специалистты хъуагдзинад республикæйы рагæй фæстæмæ ис. Нæ куырдиатмæ гæсгæ нын Россотрудничество уæрæсейаг ахуырадон уагдæтты рахицæн кодта бынæттæ, фæлæ иу адæймаджы дæр нæ бафæндыд, зæгъæм, электротехник кæнæ теплотехникы дæсныйад райсын. Ацы уавæр хъæуы фæивын. Æнæмæнгхъæуæг у ссарын специалисттæ-механикты, кæцытæн сæ бон уаид иугæндзонæй бæстыхæйтты техникон къабазы лæггад кæнын», – банысан кодта Пухаты Эрик.
Уымæй уæлдай ма уый банысан кодта, зæгъгæ, горæты ацы аз фæфылдæр уыдзысты лифттæ æмæ уыдонæн дæр хъæуы электортехник.
Хицауды Сæрдар æрæмбырдуæвджытæн бахæс кодта, цæмæй проблемæтæ аскъуыддзаг кæныны фæдыл сæ хъуыдытæ бавдисой Хицауадмæ цыбыр æмгъуыдмæ.
РХИ-йы Хицауады пресс-службæ
Comments are closed, but trackbacks and pingbacks are open.