РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД

Джиоты Ритæйы Хæлардзинады орденæй схорзæхджын кæныны тыххæй

Цæсгомджын паддзахадон службæ æмæ бирæ азты дæргъы æнтыстджын фæллойадон архайды тыххæй Хæлардзинады орденæй хорзæхджын æрцæуæд Джиоты Ритæ Георгийы чызг – Республикæ Хуссар Ирыстоны Президенты Администрацийы Паддзахадон хорзæхтæ æмæ кадрон политикæйы управленийы хистæры хæдивæг.

Республикæ Хуссар Ирыстоны Президент БИБЫЛТЫ Анатоли

г.Цхинвал, 2020 азы 5 июнь

       РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД

Республикæ Хуссар Ирыстоны Юстицийы министрады Æфхæрдтæ æххæстгæнæн управленийы хистæры тыххæй

1. Мидæггагон службæйы булкъон Мæргъиты Отар Викторы фырт сæрибар æрцæуд Республикæ Хуссар Ирыстоны Юстицийы министрады Æфхæрдтæ æххæстгæнæн управленийы хистæры бынатæй, йæхи фæндонмæ гæсгæ.

2. Милицийы инæлар-майор Гуыцмæзты Алан Хазбийы фырт нысан æрцæуæд Республикæ Хуссар Ирыстоны Юстицийы министрады Æфхæрдтæ æххæстгæнæн управленийы хистæрæй.

3. Ацы Барамынд йæ тыхы цæуы къух ыл æрфыссыны бонæй.

Республикæ Хуссар Ирыстоны Президент БИБЫЛТЫ Анатоли

г.Цхинвал, 2020 азы 9 июнь

РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД

Республикæ Хуссар Ирыстоны Паддзахадон хорзæхтæ радтыны тыххæй

Физикон æгъдауæй æмæ хæрзнамысон æнæниз фæсивæд хъомыл кæныны хъуыддагмæ сæрмагонд хайбавæрд æмæ бирæ азты дæргъы æнтыстджын фæллойы тыххæй хорзæхджын æрцæуæд Республикæ Хуссар Ирыстоны спорты ветерантæ.

1. Хæлардзинады Орденæй

– Джалалова Александра Дмитрийы чызг.

2. «Хуссар Ирыстоны адæмы Фыдыбæстæйон хæсты уæлахизыл 10 азы сæххæсты сæраппонд» майданæй:

– Уалыты Лев Сосланы фырт;

– Кокойты Алихан Иосифы фырт;

– Цыбырты Хазби Иваны фырт.

3. «Республикæ Хуссар Ирыстоны Физикон культурæ æмæ спорты сгуыхт кусæджы» кадджын ном радтын:

– Чилæхсаты Зауыр Пирузы фыртæн;

– Мæргъиты Отар Никъалайы фыртæн.

Республикæ Хуссар Ирыстоны Президент БИБЫЛТЫ Анатоли

г.Цхинвал, 2020 азы 5 июнь