Республикæ Хуссар Ирыстоны Хицауады æнæрадон рабадты, кæцы уагъд æрцыд Пухаты Эрикы къухдариуæгадæй, сфидар кодтой РХИ-йы Юстицийы министрады æфхæрдтæ æххæст кæныны управленийы кусджыты æмæ æмбæстагон персоналы уæлæмхас штаттæ æмæ куыстмыздты бæрцтæ.

Юстицийы министр Лалыты Залинæйы ныхæстæм гæсгæ, æфхæрдтæ æххæст кæныны системæйы уагъд æрцыдысты рефор-мæтæ, кæцытæ фæхуыздæр кæндзысты ахæстты дарыны уавæртæ.

«2017 азы мах райдыдтам æфхæрдтæ æххæст кæныны системæйы реформæ, кæцы абоны бон ис фæуыны стадийыл. Республикæйы къухдариуæгад рахæцыд нæ фæндæтты æвварс. РХИ-йы Президент Бибылты Анатолийы æххуысæй хуыздæр кæнынц ахæстты дарыны уавæртæ æмæ æфхæрдтæ æххæст кæныны управленийы кусджыты куысты уавæртæ. Рарастгæнæн колонийы территорийыл фæзындзæн æртæ хицæн зонæйы карз æмæ иумæйаг режимы ахæсттæн, афтæ ма фæдагуырды изолятор. Фæхуыздæр ма уыдзæн ахæсттæн медицион лæггæдтæ æмæ сæ хæлц», – банысан кодта министр.

Уымæй уæлдай ма уый фехъусын кодта, зæгъгæ, дарддæр куыст цæуы барадон акттæ унификаци кæныныл, æмæ æппæт рацаразындзинæдты фæстæ уагъд æрцæудзæн æфхæрдтæ æххæст кæныны управленийы кусджыты аттестаци.

«Æфхæрдтæ æххæст кæныны системæйы рагæй хъуыд бындурон ивындзинæдтæ. Стыр куыст æххæст æрцыд, кæцы баввахс ахæстты дарыны уавæртæ æхсæнадæмон стандарттæм æмæ уголовон-æххæстгæнæн кодексмæ», – банысан кодта Пухаты Эрик

РХИ-йы Хицауады официалон сайт

Ацы æрмæджытæ дæр бакæс:

Хыгъд æнтыстджын куыстæн ахъазгæнæг у Боны фæткы – ахсджиаг фарстатæ ПУХАТЫ Эрик: «Хицауад хъуамæ куса æппæт хъарутæй, æхсæнады цардмæ æвæрццаг ивындзинад хæсгæйæ» ТЫБЫЛТЫ Леонид: «Ахуырады гъæд фæбæрзонддæр кæныны фарстатæ кæддæриддæр приоритетон сты Республикæйы къухдариуæгадæн» РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.