15 майы уыд Республикæ Хуссар Ирыстоны Парламенты Президиумы рабадт Тадтаты Аланы сæргълæудæй.
Фыццаг фарст уыд «Республикæ Хуссар Ирыстоны Хъалонон кодексы фыццаг хай æмæ Республикæ Хуссар Ирыстоны хицæн закъондæттæн акттæм ивындзинæдтæ бахæссыны тыххæй» Республикæ Хуссар Ирыстоны закъоны проект.
Законы проект арæзт æрцыд Республикæ Хуссар Ирыстоны æххæсткæнынадон хицауады органты фæндæтты бындурыл, æмарæн паддзахадты вирусон инфекци COVID-19 парахат кæй цæуы, уый нысанæн.
Ацы фарст уынаффæ кæнынмæ рахаста профилон комитеты сæрдар Габатты Алан.
Сæ хъуыдытæ закъоны проекты фæдыл загътой Плиты Алыксандр, Бесаты Зитæ, Дьяконты Амиран, Æлборты Алан, Санахъоты Дауыт æмæ æндæртæ.
Республикæ Хуссар Ирыстоны Парламенты вице-спикер Плиты Алыксандр загъта депутаттæн сæ фылдæры хъуыды, закъоны проектыл кæй хъæуы бакуысн.
«Афтæ цæуы, æмæ ацы иу закъоны проектæй мах ивындзинæдтæ бахæсдзыстæм махмæ цы серьезон закъæттæ архайынц, уыдонмæ. Ацы закъоны проекты фыст нæ цæуы, Хицауад кæнæ уыцы хъалонон орган куыд архайдзæн уыцы кæнæ æндæр уавæры. Ома ам хъуамæ лыстæггай фыст æрцæуа, цахæм ивындзинæдтæ дзы хаст æрцæудзæн, цахæм хатыртæ уыдзæн æмбæстæгты уыцы кæнæ æндæр категоритæн кæнæ чысыл амалиуæгадæн, кæцытæ абоны бон зындзинæдтæ æййафынц. Нæ разы нын цы закъоны проект æрбавдыстой, уым ницы ис æмбæрстгондæй», – загъта Плийы фырт.
Парламенты Сæрдар Тадтаты Алан йæ рады банысан кодта, Рес-публикæ Хуссар Ирыстоны Хицауад абон кæй аразы æппæт дæр цæрджыты æдасдзинады тыххæй, ацы закъоны проект та, йæ ныхæстæм гæсгæ, фадат ратдзæн рæстæгыл проблемæтæм хъус æрда-рын, кæцытимæ гæнæн ис сæмбæлæм пандемийы рæстæджы.
Парламенты Президенты минæвар Куымæридтаты Анна банысан кодта, зæгъгæ, закъонмæ цы ивындзинæдтæ хаст æрцæудзысты, уыдон сты рæстæгон, уыимæ иумæ, уыдон Хицауадæн сты æнæмæнгхъæуæг. Йæ ныхæстæм гæсгæ, хъæугæ закъæттæм ивындзинæдтæ хаст куы не ‘рцæуой, уæд уыдонæн сæ бон нæу архайын æмæ æххуыс кæнын, зæгъæм, уыцы чысыл амалиуæгадæн, сæ хъалонты бафыст ахæссын æмæ афтæ дарддæр.
Депутат Санахъоты Дауыт ба-нысан кодта, ивындзинæдтæ кæй ахæсдзысты азы кæронмæ, фæлæ кæцыдæр статьяты ивындзинæд-тæ баззайдзысты, æмæ уымæ гæс-гæ закъоны проектмæ фæзындзæн бирæ фарстытæ.
Иумæйагæй депутаттæ банысан кодтой, закъоны проектыл кæй хъæуы бакусын, уымæ гæсгæ хъæлæс кæныны рæстæджы ист æрцыд закъоныл ногæй бакусыны уынаффæ.
Comments are closed, but trackbacks and pingbacks are open.