Нæ республикæйы адæмæн гъæдджын медицинон басгæрст æмæ æххуыс бакæныны тыххæй, æрæджы не ‘мбæстаг меценаттæ Республикæ Хуссар Ирыстоны Æнæниздзинад хъахъхъæныны министрадæн балæвар кодтой æртæ хъæуæг портативон УЗИ-аппараты. Уый тыххæй нын фехъусын кодтой министрады пресс-службæйы.
«Ахæм хæрзаудæн æххуыс Хуссар Ирыстонæн бакодтой не ‘мзæххон лæппутæ Цхуырбаты Инал æмæ Джиджджойты Виктор. Ацы портативон УЗИ-аппараттæ министрад фæнд кæны радтын нæ республикæйы районты медицинон уагдæттæн», – банысан кодтой пресс-службæйы.
Банысан кæнын хъæуы уый æмæ Цхуырбаты Инал арæх кæй баххуыс кæны хуссарирыстойнаг æмбæстæгтæй йе ‘нæниздзинад мæгуырау кæмæн вæййы æмæ бах-хуыс кæнын кæмæн фæхъæуы, ахæм уæззау рынчынтæн. Арæх-иу, куыд спонсор, афтæ хайад райста нæ республикæйы сывæллæтты хæрзаудæн фонд «Подари крылья»-йæн.
Нæ уацх.
