Президент Владимир Путин фæндон бахаста, цæмæй пенситы индексаци уа инфляцийы æмвæзадæй фылдæр пенси синдексаци кæной.
Президент банысан кодта, зæгъгæ, социалон характеры фарст хауы Уæрæсейы милуангай æмбæстæгтæн.
«Фæндон хæссын, цæмæй пенситы индексаци суа инфляцийы æмвæзадæй фылдæр, ныртæккæ уый у 8,4 – 8,6 проценты, инфляцийы нымæц бæстон бæрæг нæма у. Курæг дæн хицауадæй, цæмæй æввахс рæстæгмæ ауадза æнæмæнгхъæуæг мадзæлттæ æмæ райса уынаффæ», – загъта хицауады уæнгтимæ æмбырды рæстæджы Владимир Путин.
Уый банысан кодта, зæгъгæ, социалон характеры фарст хауы Уæрæсейы милуангай æмбæстæгтæм. «Раздæр ист уынаффæтæ нæ дæттынц адæмæн сæ хæрдзтæ æмбæрзыны фадат, кæцытæ баст сты ивгъуыд азы инфляци кæй фæбæрзонндæр ис, уымæ гæсгæ», – банысан кодта Путин.
Фæдзæхстады пенситæ æгуыст пенсиисджытæн индексаци æрцыдысты 5,9 процентæй 2022 азы 1-æм январæй, уый фæфылдæр ис 18 521 сомы онг. Уырдæм бахаудысты 30, 78 милуан адæймаджы. Уæрæсейы Пенсион фонды хæрдзтæ æппæт фæдзæхстадон пенситæ бафидынæн, уыцы нымæцы кармæ гæсгæ пенситæ дæр, 2022 азы уыдзысты 8, 1 трилуан сомы. Уый размæ Президент куыд банысан кодта, афтæмæй 2021 азы хатдзæгтæм гæсгæ инфляци гæнæн ис, æмæ уа 8 процентæй фылдæр. Уымæ гæсгæ, æрвылазон пресс-конференцийы Путин загъта, зæгъгæ, хицауад хъуамæ сæххæст кæна, инфляцийы æмвæзадæй фылдæр пенситы индексацийы фæдыл цы ныфс бавæрдта, уый.
2022-01-15
Comments are closed, but trackbacks and pingbacks are open.