Уæрæсейы мыхуыры боны Цæгат Ирыстон-Аланийы Сæргълæууæг Сергей Меняйло раарфæ кодта республикæйы дзыллон информацийы фæрæзты минæвæрттæн сæ профессионалон бæрæгбоны цытæн.
Уый банысан кодта, зæгъгæ, журналисты куыст у, æрмæст аив ныхасы бæрзонд æмвæзад нæ, фæлæ йæ аудиторийы раз рæстдзинад æмæ бæрндзинады тыхджын æнкъарынад дæр. «Журналистикæ у алыгъуызон къабæзты, здæхтыты æмæ темæты проблематикæйы арф аныгъуылын. Уымæй дарддæр ма, журналистикæ у удæгас æмæ тыхджын бастдзинад хицауад æмæ æхсæнады ‘хсæн, кæцы æххуыс кæны дыууæ фарсæн дæр кæрæдзийы фехъусынæн æмæ тагъдыл сæвзæргæ фарстытæм æркæсынæн. Ахсджиаг у уый дæр, цæмæй æрмæст чиновниктæ ма уой æргом дзыллон информацийы фæрæзтæн, фæлæ ма сæхæдæг дæр уой объективон хицауиуæгады органты архайд равдисыны», – банысан кодта Сергей Меняйло.
Æнæформалон уавæры журналисттæн сæ бон ссис Цæгат Ирыстоны Сæргълæууæгимæ аныхас кæнын, сæ цымыдисгæнæг фарстытæ йæм радтынæн. Дзыллон информацийы фæрæзты минæвæрттæ рахæцыдысты куыд Цæгат Кавказы медиаиндустрийы профессионалты, афтæ социалон хызæгтæй пайдагæнджыты хайадистæй форум ауадзыны æвварс, кæцытæ активонæй æвдисынц æмбæстагон позици æмæ журналистон дæсныдзинады конкурсмæ.
Фембæлды фæлгæтты хатдзæгтæ са-рæзтой 2021 азы хуыздæр журналистон куысты тыххæй республикæйы сæргълæууæджы æрвылазон преми райсыны конкурсæн. «Кад æмæ цыт»-ы номинацийы премийы хицæуттæ систы Золоты Фатимæ, Къадзаты Слава, Мамиты Мæдинæ, Юри Юров, Кучиты Александр. «Фидæны траектори»-йы номинацийы хуыздæрыл банымадтой Дзгойты Алинæ æмæ Тамара Бунтурийы куыстытæ. «Уæрæсейы азы темæ – зонад æмæ технологиты аз»-ы номинацийы уæлахиздзаутæ систы Къæбулты Иринæ, Черчесты Зæринæ, Магкоты Мадинæ.
Хуссарирыстойнаг газет «Республика»-йы журналист Зæгъойты Радмилæ конкур-сы уæлахиздзау ссис «Иудзинад»-ы номинацийы æмæ Мадина Темирканова та – «Фыссæн сисы бафæлвæрд»-ы номинацийы. «Нæй коррупци»-йы темæйыл хуыздæр æрмæджы автор ссис Брытъиаты Зæринæ.
Национ журналистикæйы къабазы се стыр лæггæдты тыххæй сæрмагонд преми лæвæрæд æрцыд Сагкиты Эльбрус æмæ Гериты Петрæн.
РЦИ-Аланийы Сæргълæууæджы къухтæй арфæйы фыстæджытæ райстой Эльдар Афашаков, Гæззаты Зæлинæ, Бигаты Дианæ, Светлана Громова æмæ Сабанты Миленæ.
Уæрæсейы мыхуыры бон фидар æрцыд 1991 азы æмæ баст у историон бон – фыццаг мыхуырон газет «Ведомости»-йы рауагъдады райдианимæ, кæцы рухс федта 1703 азы 13-æм январы (ног стилмæ гæсгæ) Петр I хъæппæрисæй.
Цæгат Ирыстоны официалонæй регистраци æрцыдысты 81 дзыллон информацийы фæрæзы: 8 телеканалы, 9 хызæгон рауагъды, 14 радиоканалы, 49 мыхуыры рауагъды, 1 информацион агентад.
Хуыздæр журналистон куысты тыххæй республикæйы Сæргълæууæджы премийы конкурс уагъд цæуы æрвылаз дæр. Уæлахиздзауты сбæрæг кæны конкурсы къамис æхсæз номинацийы. Преми 50 мин сомы райсдзысты алыгъуызон дзыллон информацийы фæрæзты 15 минæвары – мыхуыры рауагъдадтæ, интернет-рауагъдадтæ, телеуынынад æмæ радиойы минæвæрттæ. Преми фидар æрцыд дзыллон информацийы фæрæзты рæзтæн ахъаз кæныны, сфæлдыстадон активондзинад разæнгард кæныны нысанæн.
Comments are closed, but trackbacks and pingbacks are open.