Президент Гаглойты Алан бабæрæг кодта Цхинвалы районы Дменисы хъæуы ногазон назбæлас байгом кæныны цытджын церемони.
Хъæуы администрацийы бæстыхайы уыцы бон бæстæйы сæргълæууæгимæ уыдысты Ахуырад æмæ зонады министр Лолаты Аслан, Президенты цур Сывæллæтты барты фæдыл æххæстбарджын Джиоты Аэлитæ, æндæр официалон адæймæгтæ.
Цхинвалы районы сабиты сфæлдыстадон коллективтæ бацæттæ кодтой вокалон æмæ кафты номыртæ, афтæ ма аргъæутты персонажтимæ театралон равдыст. Назбæласы алыварс зарыдысты сывæллæттæ, дзырдтой ногазон æмдзæвгæтæ.
Паддзахады сæргълæууæг сын раарфæ кодта æрбалæугæ бæрæгбонты тыххæй æмæ сын йæ цæст бауарзта æнæниздзинад æмæ цæмæй сæ фæндтæ сæххæст уой.
«Уадз, æмæ æрбалæугæ аз æрхæссæд æнтыстытæ æмæ циндзинад. Мæ зæрдæ уын зæгъы, цæмæй алы хæдзары, алы бинонты дæр уа сабырад, хорздзинад, фæрныгад æмæ æгæрон циндзинад. Уадз, æмæ рагæй кæмæ æнхъæлмæ кæсут, уыцы фæндтæ уын тагъд рæстæджы сæххæст уæнт æмæ алкæй царды дæр æрцæуæд диссаг», – загъта Гаглойты Алан.
Президент сывæллæттæн балæвар кодта ногазон адджын лæвæрттæ.
