Цхинвалы районы Къостайыхъæуы астæуккаг скъолайы дæр цасдæр рæстæг нæ цыдысты ахуыртæ. Фæлæ ныр уавæр кæй фæхуыздæр, уымæ гæсгæ ам дæр 24 ноябры азæлыдысты ахуырмæ сидæг дзæнгæрæджы зæлтæ. Ацы ахсджиаг цауыл зæрдиагæй сæмбæлдысты куыд райдиан кълæсты ахургæнджытæ, афтæ скъоладзаутæ сæхæдæг дæр.. Цинтæ æмæ æхсызгон мидбылхудтимæ сæ алчи дæр ногæй бацыд йæ кълæстæм æмæ зæр-диагæй хъусдзысты æмæ ахуыр кæндзысты, сæ ахуыргæнджытæ сын цы зонындзинæдтæ дæттой, уыдон. Скъолайы директор Тыбылты Олег куыд банысан кодта, афтæмæй ахуыргæнджытæ фылдæр сæ хъусдард здахдзысты сæйраг предметтæм. Уымæй дарддæр ма скъолайы хистæр кълæсты ахуырдзаутæ дæр къуыри 1-2 хатты цæудзысты се скъоламæ æмæ сын хицæн предметтæй сæ ахуыргæнджытæ дæтдзысты хæслæвæрдтæ. Афтæ, уыдон дæр сæ зонындзинæдтæ фылдæр кæндзысты, цалынмæ æххæстæй ахуыры процесс йæ гаччы не ‘рбада, уæдмæ.
ХУЫБИАТЫ Никъала
Comments are closed, but trackbacks and pingbacks are open.