Нæ фысджытæ сылгоймаджы тыххæй

Сылгоймаг æфсæрмæй фидауы.

                                      Брытъиаты Елбыздыхъо

Сылгоймагæн йæ цæссыгтæ æдзухдæр йæ цæстыхаутыл лæууынц.

                                             Мамсыраты Дæбе

Сылгоймаг нæлгоймаджы куынæ бауарза æцæг уарзтæй, уæд мой хъуамæ ма скæна.

                                       Дзадтиаты Тотырбег

Лæгæн йæ амонд йæ сылгоймагæй у.

                                                  Бесаты Тазе

Зæххыл цыдæриддæр хорзæй, рæсугъдæй ис, уыдонæй бирæ райгуыры сылгоймаджы уарзтæй.

                                                                                                  Цоциты Резо

Чызг йæ цæгатæй рæвдыд куынæ вæййы, уæд æгад у.

                                                                       Цæгæраты Максим

Сылгоймагмæ фидар куы нæ лæууай, уæд дæ къултыл дæр схизын кæндзæн.

                                                                              Гуыцмæзты Михал

Хæдзары æмæ бинонты фидауц сылгоймаг у.

Бæдоаты Хъазбег

Сылгоймаг фыццаг хатт йæ уарзондзинады цин æмæ удхæрттæ кæимæ бавзары, ууыл йæ зæрдæ никуы ивы.

Нига

Сылгоймаджы зæрдæ æнцон ракъахæн у, йæ маст та æрæгмæ тайы.

Æгъуызарты Æхсарбег

Хæдзары сылгоймаг куы нæ уа, змæлынхъом сылгоймаг, уæд бинонтæ æгъуыдзæг кæнынц.

Баситы Михаил

Хæдзары уагæвæрæг сылгоймаг у.

Хостыхъоты Зинæ

Æнæ сылгоймаг хæдзар æдзæрæг у.

Биазырты Димитр

Иу сылгоймаг кæй зоны, уый дуне зоны.

Тедеты Герас

Сылгоймаг дунейы рæсугъддзинад у.

Хуыбецты Раисæ