31-æм майæ 7-æм июнмæ Хуссар Ирыстоны территорийыл æрцыдис иу фыдракæнд. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикӕйы фӕндӕгтыл ӕрцыдис фондз фæндагон-транспортон цауы. Авариты фæстиуæгæн рынчындонмæ алыгъуызон цæфтимæ бахаудтой дыууæ адæймаджы.
Алыгъуызон бархалыны фӕдыл горæт Цхинвалы мидхъуыддæгты управленийы кусджытæ бӕрндзинадмӕ æркодтой дыууæ адӕймаджы.
Фæндагон змæлды æдасдзинады инспекци къуырийы дæргъы сбæлвырд кодта 204 фæткхалæн цауы. Уыдонæй 5 уыдысты нозтджынæй машинæ скъæрыны цаутæ.
2 июны Ленингоры районы милицийы уголовон фæдагуырды кусджытæ РХИ-йы Паддзахадон æдасдзинады комитеты æмæ Уæрæсейы Федерацийы Арæнхъахъхъæнæг управленийы кусджытимæ иумæ профилактикон рейдон мадзæлттæ уадзыны рæстæджы Æхслебы хъæуы хисæрмагонд хæдзары, кæцыйы 2020 азæй фæстæмæ ничиуал цæры, ссардтой æхсæнгарз къæрæбин æнæномыртæй æмæ 150 та хæдæхсы нæмгуытæ.
2 июны Цхинвалы районы Гудзабары хъæуы донхæрæн къанауы ссардтой æнæзонгæ адæймаджы мард. Ацы фæмардуæвæг разынд горæттаг 50-аздзыд цæрæг. Ныридæгæн уагъд цæуынц фæдагурæн мадзæлттæ, цæмæй рабæрæг кæной ацы трагеди æрцæуыны аххосæгтæ.
3 июны Цхинвалы районы Сарабукы хъæуы фадыгон инспектортæ иу кæлæддзаг хæдзары ссардтой зæрдæхсайгæ предмет, кæцы разынд танкты ных-мæ минæ «ТМ-57М». Сапертæ рæмудзæн буаргъæд аластой полигонмæ скуынæг кæнынмæ.
5 июны горæт Цхинвалы Остъаты æфсымæрты уынгыл 11-аздзыд æнахъом сывæллон йæ велосипедыл скъæргæйæ бахаудта автомашинæйы бын. Аварийы фæстиуæгæн сывæллон алыгъуызон цæфтимæ бахаудта рынчындонмæ. Шофыр, 37-аздзыд горæттаг цæрæг, бамбæхст, фæлæ оперативонг-агурæн мадзæлттæ ауадзыны фæстиуæгæн ахст æрцыдис.
Comments are closed, but trackbacks and pingbacks are open.