Мидхъуыддæгты министрад хъусын кæны

30-æм ноябрæй 7-æм декабрмæ Хуссар Ирыстоны территорийыл æрцыд дыууæ фыдракæнды æмæ раргом сты. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикæйы фæндæгтыл æрцыд цыппар фæндагон-транспортон цауы. Авариты фæстиуæгæн рынчындонмæ, уæлæнгай цæфтимæ бахаудтой æртæ адæймаджы.

Фæндагон змæлды æдасдзинады инспекци къуырийы дæргъы сбæлвырд кодта 181 фæткхалæн цауы. Уыдонæй 6 уыдысты нозтджынæй машинæ скъæрыны цаутæ.

Ленингоры районы Салбиеры хъæуы арæнхъахъхъæнджытæ æрцахстой Ленингоры поселочы 17-аздзыд цæрæджы паддзахадон арæн фехалыны фæстиуæгæн. Фæткхалæг конд æрцыд карантинмæ 14 боны æмгъуыдмæ.

Милицийы наркотикты ӕрзылдыл контроль кӕныны управленийы кусджытӕ баурӕдтой горæттаг 27-аздзыд цæрæджы, кæцы æнæзаконæй спайда кодта наркотикон буарад «марихуана»-йæ. Фæткхалæджы горæт Цхинвалы тæрхондон фæивар кодта 8 мин сомы. Уымæй уæлдай ма горæттаг 33-аздзыд, 40-аздзыд æмæ Дзауы районы Гуфтайы хъæуы 40-аздзыд цæрджытæ конд æрцыдысты бæрндзинадмæ æнæзаконæй наркотикон буарадтæй спайда кæныны фæстиуæгæн.

Милицийы наркотикты ӕрзылдыл контроль кӕныны управленийы кусджытӕ ма баурæдтой фондз æмбæстаджы æмæ иу та Дзæуджыхъæуы 40-аздзыд цæрæджы, кæцытæм сæ зæрдæ фехсайдта æнæзаконæй наркотикон буарадтæй спайда кæнынмæ. Фæткхалджытæ нæ бакуымдтой медицинон басгæрстмæ.

4 декабры горæты мидхъуыддæгты управленимæ фехъусын кодтой, зæгъгæ, æхсæвы 4 сахатмæ æввахс Октябры уынгыл æнæзонгæ адæймаг бынæттон цæрæджы хæдзары раз ныууагъта ноггуырд сывæллон. Оперативон-сгарæн мадзæлттæ ауадзыны фæстиуæгæн сбæлвырд ис фыдгæнæг, кæцы ныр дзуапп ратдзæнис закъоны раз.   

Фæндагон змæлды æдасдзинады инспектортæ 6 декабры патруль кæныны рæстæджы æхсæвы 4 сахатыл  горæты 5-æм астæуккаг скъолайы раз баййæфтой цалдæр адæймаджы хъаугъагæнгæ. Милицийы кусджытæ сæ бафæдзæхстой, цæмæй æхсæнадон фæтк ма халой, фæлæ дзы иу æмбæстаг, 33-аздзыд бынæттон цæрæг, равдыста агресси, – æнаккаг дзыхæй дзырдта милицийы кусджытæм æмæ ма дзы иуы цæвгæ дæр ныккодта. Фыдгæнæг конд æрцыд рæстæгмæдарæн изолятормæ.