Хуссар Ирыстоны цыппæрæм бон йæ куыст кæны æнæмæнгхъæуæг медицион фæдзæхстады полистæ дæттыны пункт. Фæдзæхстадон организацийы минæвар Харебаты Дианæ куыд банысан кодта, афтæмæй республикæйы цæрджыты медицинон фæдзæхстады полистæ райсыны тыххæй хъæуы бахæссын УФ-йы æмбæстаджы паспорт æмæ Сæрмагонд хыгъды фæдзæхстадон номыр.
«Æнæмæнгхъæуæг медицион фæдзæхстадон полисты исджытæ сты цъус. Пункт байгом кæнынæй фæстæмæ нæм бахатыдысты 50 адæймаджы бæрц. Иу къуырийы æмгъуыдмæ бæрæг æрцæудзæн, лæвæрд æрцæудзысты æви нæ æнæмæнгхъæуæг медицион фæдзæхстадон полистæ уæрæсейаг – фæсарæйнаг паспорттæм гæсгæ», – банысан кодта уый.
Уый ма фехъусын кодта, зæгъгæ, полисæн тых ис æрмæстдæр УФ-йы территорийыл.
Æнæмæнгхъæуæг медицинон фæдзæхстадон полис райсæн ис горæты поликлиникæйы территорийыл, кæцы ис Хетæгкаты Къостайы уынджы 2-æм хæдзары.
Куыд зонæм, афтæмæй республикæйы цæрджытæ хаст æрцыдысты Æнæмæнгхъæуæг медицинон фæдзæхстадон системæйы скондмæ, РХИ-йы территорийыл Уæрæсейы Федерацийы æмбæстæгтæй чи цæры, уыдоны УФ-йы æнæмæнг медицинон фæдзæхстадон системæмæ бахæссын æмæ сын уæрæсейаг медицинон организациты медицинон æххуыс кæныны тыххæй УФ-йы æмбæстæгты фæдзæхстад сæххæст кæныны фадыджы, УФ æмæ РХИ-йы ‘хсæн срадзыдзинады бындурыл.
Ацы æрмæджытæ дæр бакæс:
Дард хъæуты æввахс проблемæтæ
«Блокадон» районæй «хъæздыг» гуырдзыстонмæ – дурнад голджытимæ
Лæвæрд цæудзысты медицинон полистæ
Владимир Путин йæ къух æрфыста медицинон фæдзæхстады тыххæй Хуссар Ирыстонимæ сразыдзинадыл
Тематикон конференци/ Фидар æрцыд Хуссар Ирыстоны æнæниздзинад хъахъхъæныны рæзты концепци
Comments are closed, but trackbacks and pingbacks are open.