Паддзахадон ветеринарон æмæ фитосанитарон цæстдарды службæйы сæргълæууæг Мæргъиты Алан куыд фехъусын кодта, афтæмæй «Югосельхознадзор»-ы лаборатори ифтонг æрцыд ног сæрмагонд ветеринарон гæрзтæй, кæцыйы фæрцы эффективонæй контрол цæудзæнис фыдызгъæл, урсаг æмæ фосыл цы низтæ фæзыны, уыдон хуызæгтæ сбæрæг кæнынæн. Ныр ахæм лабораторион иртæстытæ арæзт цыд Крапоткинæйы ветеринарон лабораторийы.
Мæргъиты Алан куыд зæгъы, афтæмæй куыд адæм, афтæ фос дæр рынчын кæнынц алыгъуызон низтæй. Низы хатт бæлвырд куыннæ зонай, уæд мадзæлттæ ист дæр нæ фæцæуы. Парахат æрцæуы цыбыр рæстæгмæ æмæ радты æвзæр фæстиуæг.
Цалдæр азы размæ Знауыры районы фæзынд африкæйаг емынæ. Цалынмæ «Югосельхознадзор» фосы анализы хуызæгтæ Крапоткинæйы ветеринарон лабораторимæ хаста æмæ уым хатдзæгтæ арæзтой, уæдмæ низ апарахат æмæ ныццагъта (æрмæст Дзагъинайы хъæуы) 130 сæры хæдзарон фос.
«Фосы æнæниздзинад æмæ продуктивондзинады рæзтмæ кæсыны сæйраг хæс ис ветеринарон кусæгыл. Цæмæй фос алыгъуызон низтæй хызт уой, уый тыххæй сын анализтæ аразын хъæуы, æрмæстдæр куы фæрынчын уой, уæд нæ, фæлæ ма алы сезон дæр. Махæн нырмæ уыцы уавæртæ нæ уыд. Мах дуканиты арæх фенæм уæййаг хисæрмагонд фосы фермерон хæдзарадты фыдызгъæл æмæ урсаджы продукттæ уæйгæнгæ. Фæлæ нæ зонæм уыцы æхсыры гъæд. Ныр ветеринарон лабораторийы цы сæрмагонд барæн фæзынд, уый фæрцы нæ бон уыдзæн æхсыры сойаджы бæрц, СОМО æмæ лактоза сбæрæг кæнын», – зæгъы Мæргъиты Алан. Мæргъиты Алан куыд зæгъы, афтæмæй куыд адæм, афтæ фос дæр рынчын кæнынц алыгъуызон низтæй. Низы хатт бæлвырд куыннæ зонай, уæд мадзæлттæ ист дæр нæ фæцæуы. Парахат æрцæуы цыбыр рæстæгмæ æмæ радты æвзæр фæстиуæг.
Цалдæр азы размæ Знауыры районы фæзынд африкæйаг емынæ. Цалынмæ «Югосельхознадзор» фосы анализы хуы-æгтæ Крапоткинæйы ветеринарон лабораторимæ хаста æмæ уым хатдзæгтæ арæзтой, уæдмæ низ апарахат æмæ ныццагъта (æрмæст Дзагъинайы хъæуы) 130 сæры хæдзарон фос.
«Фосы æнæниздзинад æмæ продуктивондзинады рæзтмæ кæсыны сæйраг хæс ис ветеринарон кусæгыл. Цæмæй фос алыгъуызон низтæй хызт уой, уый тыххæй сын анализтæ аразын хъæуы, æрмæстдæр куы фæрынчын уой, уæд нæ, фæлæ ма алы сезон дæр. Махæн нырмæ уыцы уавæртæ нæ уыд. Мах дуканиты арæх фенæм уæййаг хисæрмагонд фосы фермерон хæдзарадты фыдызгъæл æмæ урсаджы продукттæ уæйгæнгæ. Фæлæ нæ зонæм уыцы æхсыры гъæд. Ныр ветеринарон лабораторийы цы сæрмагонд барæн фæзынд, уый фæрцы нæ бон уыдзæн æхсыры сойаджы бæрц, СОМО æмæ лактоза сбæрæг кæнын», – зæгъы Мæргъиты Алан.Уый ма загъта, зæгъгæ, лаборатори ифтонг у РН-метрæй дæр. Кæцы рабæрæг кæны адæймаджы организмæн тæссаг цы низ у, æмæ йыл фосæй æнцонтæй цы низ бахæцы, ома, трихиналы уыцы бациллæтæ. Трихиналæй рынчын фыдызгъæл бахæргæйæ, адæймаджы буары æрцæ-рынц паразиттæ æмæ расайынц аллергион низтæ. Раздæр нæхимæ арæзт нæ цыд ахæм анализ, фæлæ ныр трихинал-лоскопы фæрцы бæрæг цæудзæн низыхатт. Ацы ифтонгады фæрцы бæрæг цæдзæн фыдызгъæлы сæкæры бæрæггæнæн дæр. Фосы уыцы низтæм комплексонæй хъусдард куы цæуа æмæ лабораторон æгъдауæй иртæст куы цæуой, уæд ветеринарон дохтыр зондзæн, цы препараттæй хос кæнын хъæуы хæдзарон фосæн, уый.
Ветеринарон лаборатори ма ифтонг æрцыд нæмыгонты мыггæгты низтæ бæрæггæнæнæй дæр. Минералон хъацæнты руаджы ис хъæздыг тыллæг райсæн. Нæ климатон уавæртæ фадат дæттынц, уымæн. Фæлæ сæйраг, уый фæстæ уыцы хойраг цы уавæрты æфснайд æрцæуа уый у. Халсæрттæ æмæ дыргътæ дæр кæм æмæ куыд æфснайд цæуой, уымæй бирæ кæнгæ у. Нæмыгонты тауинæгтæ бæзгæ сты æви нæ, уый чи бæрæг кæны, уый та хуыйны Термостат. Уымæй дæр ифтонг æрцыд «Югосельхознадзор». Мæргъиты Алан куыд зæгъы, афтæмæй æппæт ацы анализтæ дæр ветеринарон лабораторийы арæзт цæудзысты æнæаргъæй. Фермерон хæдзарадтæ, арендатортæ æмæ не ‘мбæстæгтæй фосдард, дыргътæ, халсæрттæ æмæ хойрагкуыст чи кæны, уыдонæй алкæмæн дæр бар уыдзæнис лабораторийы лæггæдтæй пайда кæнынæн.
«Нырмæ дæр нæ лабораторийы цы ифтонггæрзтæ уыд, уым арæзт цыд хицæн æмæ хицæн низты ныхмæ анализтæ. Уый тыххæй реактивтæ хицæн цæуы паддзахадон эпизоотологион программæйы фæлгæтты. Зæгъæм, низтæ рафæлгъауыны хайады 2019 азы иртасæнтæ сарæзтой 10 500 хатты. 2018 азы та ахæм хуызæгтæ сарæзтам æрмæстдæр 3 100 хатты», – зæгъы «Югосельхознадзор»-ы сæргълæууæг.
Уый ма загъта, ветеринарон æмæ фитосанитарон куыстуаты кæй ис квалификациджын кусджытæ. Хорз кусæгон ахастытæ сын кæй ис Цæгат Ирыстон-Алани æмæ Крапоткинæйы ветлабораторитимæ. Уыдон фæрцы, дам, нæ лабораторийы кусджытæ систематикон æгъдауæй сæ квалификаци фæбæрзонддæр кæнынмæ ацæуынц курсытæм. Ацы бонты дæр ветеринарон лабораторийы кусджытæй цалдæр ацæудзæн Крапоткинæмæ, цæмæй сæ сæ коллегæтæ сахуыр кæной, ногæй цы прибортæ æрластой, уыдоныл кусын.
УАЗÆГТЫ Марфа
Comments are closed, but trackbacks and pingbacks are open.