Цхинвалы районы Дменисы цалдæр азы дæргъы арæзт цыд Культурæйы хæдзар. Ныр уый у фæуынхъус æмæ тагъд рæстæджы цытджын æгъдауæй байгом уыдзысты йæ дуæрттæ.
Дыууæуæладзыгон райдзаст бæстыхайы арæзтадмæ цалдæр азы размæ бавнæлдтой. Фæлæ арæзтадон фирмæйы аххосæй куыстытæ бакъуылымпы сты. Фыццаг æмæ дыккаг уæладзыг арæзт æрцыдысты, фæлæ мидæггагон куыстытæм нал февнæлдтой дыууæ азы бæрц. Дменисæгтæ бæргæ тыхс-тысты, фæлæ-иу сæ алыгъуызон æфсæндтæй сайдтой.
Ацы бæстыхай æрмæст Культурæйы хæдзар нæ уыдзæн. Ам сæ кусæн бынæттæ ссардзысты хъæууон администрацийы кусджытæ, фадыгон инспектортæ æмæ ма библиотекæйы кусæг дæр. Уыдон ныртæккæ се ‘ппæт дæр кусынц вагæтты. Дменисы хъæуы астæу цы Культурæйы хæдзар уыд, уый æдзæллаг уавæрмæ æрхауд.
Цхинвалы районы администрацийы цæрæнуатон-коммуналон хæдзарад 2021 азы райдианы æрæвнæлдта ацы бæстыхайы куыстытæ кæронмæ бакæнынмæ. Ныр ам хатæнтæ сты хæрзарæзт. Ифтонг у хъæрмадæй, бауагътой йæм дон. Ныртæккæ та кусджытæ кæнынц фасадон куыстытæ. Уыдон фæуыдзысты иу мæйы æмгъуыдмæ, æмæ уæд Культурæйы хæдзар дæр, хъæуы цы хæрзаив сывæллæтты цæхæрадон ис, уый æмрæнхъ рафидауын кæндзæнис хъæуы иумæйаг хуыз. Культурæйы хæдзары æрбакондмæ тынг æнхъæлмæ кæсынц рæзгæ фæлтæр. Клубы архайдтой æндæр æмæ æндæр хæдархайгæ аивадон къордтæ. Хайад та истой канд районы нæ, фæлæ республикæйы культурон мадзæлтты дæр.
УАЗÆГТЫ Марфа
Comments are closed, but trackbacks and pingbacks are open.