Мидхъуыддæгты министрады кусджытæ рæстæгæй-рæстæгмæ оперативон информацийы фæдыл басгарынц хисæрмагонд хæдзæрттæ æмæ фатертæ куыд горæты, афтæ районты дæр. Ахæм мадзæлттæ здæхт сты, наркотикон буарадтæ чи парахат æмæ ма сæ чи пайда кæны, уыдоны ныхмæ. Æрæджы дæр та Дзауы районы ссардтой 226 гæны къутæры æмæ сæ скуынæг кодтой.

Цалдæр боны размæ горæты милицийы управлени æмæ наркотикты ӕрзылдыл контроль кӕныны управленийы кусджытӕ хъуамæ басгæрстаиккой Революцийы уынгыл зæрдæхсайгæ хисæрмагонд хæдзар, кæцыйы хицау цалдæр хатты бæрндзинадмæ конд æрцыд наркотикты тыххæй. Фæлæ милицийы кусджытæн нæ бантыст сæ профессионалон хæстæ сæххæст кæнын, уымæн æмæ уыцы бынæттон цæрæджы сыхаг разынд РХИ-йы Парламенты депутат Мулдарты Гарри. Уый, милицийы кусджыты фенгæйæ, йæхи æппæтзонæг скодта æмæ æрдомдта, зæгъгæ, цы закъонмæ гæсгæ хъуамæ басгарат хæдзар. Мулдарты Гаррийæн цалынмæ милицийы фадыгон инспекторы инструкци æрбахастой, кæцыйы комкоммæ фыст ис, фадыгон инспекторæн кæй ис хисæрмагонд хæдзар æмæ ма йæ алфæмблай территори басгарыны бар дæр.

Мулдарты Гарри, инструкци бакæсгæйæ, сразы ис, милицийы кусджытæ кæй архайынц закъоны фæлгæтты, фæлæ уæдмæ рæстæг бирæ рацыд. Басгæрсты рæстæджы та зæрдæхсайгæйæ ницы ссардтой ацы хæдзары. Æмæ ныр афтæ ахъуыдыгæнæн дæр ис, ома, Мулдарты Гарри кæй ныкъуылымпы кодта милицийы кусджыты, æмæ уый фæахъаз ис хæдзары хицауæн йæ наркотикон буарадтæ бааууон кæнынæн.

Диссаг уый у, æмæ кæд Мулдарты Гарри, депутат уæвгæйæ, нæ зоны, мили-цийы кусджытæн цы бартæ ис, уæд хуымæтæг адæмæй цы бадомæм. Ахæм депутат цы пайда хъуамæ æрхæсса æхсæнадæн? Æви Мулдарты Гаррийы афтæ фæнды, цæмæй ахæм басгæрстытæм милицийы кусджытæ сæ инст-рукцитæ æвдисгæ цæуой, кæнæ æдзух тæрхондоны бары гæххæттытимæ ара-зой ахæм спецоперацитæ? Уæд ма уыцы профилактикон мадзæлттæй исты пайда уыдзæнис? Ацы хабар рауад абсурдон, фæлæ уæддæр Мулдарты Гарри йæхи азымджын нæ хаты, ома, уыцы хæдзары сывæллæттæ уыдис. Æмæ милицийы кусджытæ сывæллæтты ахсынмæ бацыдысты? Стæй се уоны кастысты, хæдзары сывæллæттæ ис, уый кæцæй хъуамæ зыдтаиккой, куынæ бацыдаиккой бынатмæ, уæд? Ахæм уавæрты кусгæйæ, милицийы кусджытæн ницы бантысдзæнис саразын æхсæнадон фæтк æмæ адæмы сабырад бахъахъхъæныны хъуыддаджы. Фæткхалджыты æмæ фыдгæнджыты бæрндзинадмæ æркæнæн нæй ахæм уавæрты.

Нæ   уацх.

Ацы æрмæджытæ дæр бакæс:

Парти «Рæстдзинады сæрыл» равзæрста сæрдар Æххуыс сӕрмагонд ӕфсӕддон операцийы архайджытæн Фидар æрцыд парламенты президиумы сконд Адæм æнкъарынц, милицийы куыст кæй хуыздæр кæны, уый Милицийы сæрмагонд нысаниуæджы къорды фыццаг командир

Comments are closed, but trackbacks and pingbacks are open.