Коронавирус бандæвта нæ царды алы сферæйыл дæр, ныкъуылымпы кодта бирæ куыстуæтты, æхгæд æрцыдысты скъолатæ æмæ æндæр уагдæттæ. Ахæм уавæры ныридæгæн ис нæ республикæйы паспортон-визæйон службæ дæр, кæцыйы кусджыты фылдæр хай сты рынчын æмæ сæ бон нæу сæ службæйон хæстæ æххæст кæнын. Уый фæстиуæгæн цæрджытæн фадат нæй рæстæгыл сæ гæххæттытæ райсынæн æмæ хъаст кæнынц.
Службæйы куыст кæй фæкъуыхцы æмæ кусджытæн фадат кæй нæй æмбæлонæй адæмы къух саразынæн, уый фæстиуæгæн Мидхъуыддæгты министрады пресс-службæйы сæргълæууæг Бестауты Видæ сарæзта хъусынгæнинаг.
«Коронавирусы инфекци бандæвта паспортон-визæйон службæйы куыстыл. Кусджытæй бирæтæн рабæрæг ис COVID-19 æмæ ныртæккæ сæхицæн хос кæнынц. Фæлæ уый фæстиуæгæн службæйы куыст не ‘рлæууыдис, кæд æмæ раздæры хуызæн гуырахстджын нæу, уæддæр. Уымæ гæсгæ курæг стæм не ‘мбæстæгтæй, – кæд уæ хъуыддæгтæн аргъæвæн ис, уæд банхъæлмæ кæсут уавæры фæхуыздæрмæ. Уæхи ба-хъахъхъæнут низæй», – банысан кодта Бестауты Видæ йæ хъусынгæнинаджы.
ДЖИОТЫ Александр
Comments are closed, but trackbacks and pingbacks are open.