Республикæ Хуссар Ирыстоны Президент Бибылты Анатоли ауагъта æмбырд горæт Къуайсайы территорийыл æрзæткъахæн управленийы сфыст исады фарстыты фæдыл.
Æмбырды хайад райстой Дзауы районы администрацийы сæргълæууæг Магкоты Уырызмæг, Къуайсайы мэр Бæззаты Геннади, Паддзахадон исады фæдыл комитеты сæрдар Пæррæстаты Сергей.
Паддзахады сæргълæууæджы цымыдис кодта, Къуайсайы æрзæткъахæн управленийы сфыст ифтонгады алыварс цы уавæр сæвзæрд, уый, афтæ ма бахæс кодта, цæмæй йын равдисой, уыцы архайдтыты закъондзинад цы документтæ бæлвырд кæнынц, уыдон æмæ бюджетмæ бацæугæ æхцайы фæрæзты тыххæй документтæ.
Паддзахадон исады комитеты сæрдар Пæррæстаты Сергей фехъусын кодта Президентæн, æппæт сфыст зæронд исады тыххæй сæм æмбæлон акттæ кæй ис.
Докладгæнæгмæ байхъусгæйæ æмæ бавдисгæ нормативон-барадон акттимæ базонгæ уæвгæйæ Бибылты Анатоли Дзауы районы администрацийы сæргълæууæгæн бахæс кодта, цæмæй арæзт æрцæуа къамис, кæцы хатдзæгтæ араздзæн æрмæджыты æмæ объектты утилизацийы закъондзинадæн, бæрæг кæндзæн цы згъæр уæй цæудзæн, уый аргъ æмæ йæ аласыны фæтк.
«Æнæмæнгхъæуæг у исады сфыстмæ бæрнон ахаст равдисын. Хъæуы ифтонгады, техникæйы, æппæт утилизацигонд исады реестр саразын, цæмæй уынæм аласгæ згъæры бæрц. Æнæмæнгхъæуæг у адæммæ объективон информаци хæццæ кæнын, кæцы фидар цæудзæн документты бындурыл, афтæ згъæр уæй кæнынæй цы æфтиаг цæуы, уый кæйдæр дзыппыты кæй нæ баззайдзæн, фæлæ кæй цæудзæн республикæйы бюджетмæ, уый дæр», – загъта Президент.
Республикæ Хуссар Ирыстоны Президенты пресс-службæ
Comments are closed, but trackbacks and pingbacks are open.