Ахуырад æмæ зонады министрады амындмæ гæсгæ нæ республикæйы иумæйагахуырадон скъолаты къуырийы дæргъы уагъд цæуы мадæлон æвзаджы боны цытæн гом уроктæ. 19 майы Цхинвалы район Сатихъары астæуккаг скъолайы дæр уагъд æрцыд мадзал. Урочъы темæ уыд: «Хетæгкаты Къостайы сфæлдыстадыл афæлгæст». Ардæм хуынд æрцыдысты ахуыргæнинæгты ныййарджытæ æмæ хъæуы администрацийы сæргълæууæг Дыгъуызты Мераб.
Райдианы ирон æвзаг æмæ литературæйы ахуыргæнæг Чысиаты Ирæ загъта: «Мадæлон æвзаг бахъахъхъæныны нысанæн нæ республикæйы архайы программæ рæзгæ фæлтæрты монон хъомылады фæдыл. Программæ реализаци цæуы ныр цалдæр азы дæргъы æмæ йæ фæлгæтты уагъд цæуынц алыгъуызон цымыдисон мадзæлттæ. Не скъола дæр фæстæ никуы баззайы. 15-æм майы нысан кæнæм ирон æвзаджы бонæй. Ацы бон мах баиу кодтам ирон литературон æвзаджы бындурæвæрæг Хетæгкаты Къостайы чиныг «Ирон фæндыр»-ы мыхуыры бонмæ».
Ахуыргæнинæгтæ иттæг хорз бацæттæ кодтой сæхи. Равдыстой чысыл инсценировкæтæ дæр.
Уазæгты Марфа
Comments are closed, but trackbacks and pingbacks are open.