Ацы аз Уæрæсейы уæлдæр ахуыргæнæндæтты мидхъуыддæгты министрады хаххыл ахуыр фесты 21 хуссарирыстойнаг курсанты. Дыууæйæ дзы райстой сырх дипломтæ. Ацы рауагъдонтæ сты барады къабазы национ æдасдзинады дæснытæ, систы квалификаци «специалист»-ы аккаг æмæ сын радтой милицийы лейтенанты нæмттæ. Мидхъуыддæгты министрады рæнхъон скондимæ куысты фæдыл управленийы сæргълæууæг Джиоты Созыр куыд зæгъы, афтæмæй цыбыр рæстæг баулæфыны фæстæ æрæвналдзысты сæ службæйон хæстæ æххæст кæнынмæ республикæйы барадхъахъхъæнæг органты.
Рауагъдонтæ уыдысты Краснодары университетæй, Волгограды академийæ, Воронежы институтæй, Ростовы æмæ Орловы юридикон институттæй. 2009 азæй фæстæмæ Уæрæсейы мидхъуыддæгты министрады уæлдæр ахуыргæнæндæтты хуссарирыстойнаг рауагъдонты нымæц ахызт 350 адæймагæй.
ДЖИОТЫ Алыксандр
