Æрæджы Цхинвалы 9-æм астæуккаг скъолайы ахуыргæнджытæ æмæ ахуыргæнинæгтæ фембæлдысты фыссæг æмæ поэт, ахуыргонд, Ирыстоны Фысджыты цæдисы æмсæрдар Хъазиты Мелитонимæ.
Мадзал уагъта ацы скъолайы ахуыргæнæг Битеты Миленæ.
Ахуыргæнинæгтæ дзырдтой Мелитоны цард æмæ сфæлдыстадыл. Кастысты йын йе ‘мдзæвгæтæ, зарыдысты йæ фыст æмдзæвгæтыл арæзт зарджытæ, сæххæст ма кодтой цалдæр ирон кафты дæр. Ахуыргæнинæгты алы рахызтæй дæр бæрæг уыд, сæхи фембæлдмæ хорз кæй бацæттæ кодтой.Уæлдай арæхстджындæрæй сæхи равдыстой Остъаты Александр, Гæбæраты Хох, Куыдзеты Лери, Анна Акопян, Кокойты Альбинæ, Мухамед Назаров æмæ æндæртæ.
Ахуыргæнинæгтæ ма иттæг хорз равдыстой Мелитоны фыст аргъау «Куыдз æмæ гæды»-йæ арæзт спектакль. Ам та йæ архайд уæлдай хуыздæр уыд Джиоты Аннæйæн. Бæрæг уыд, кæй йæм ис артисты арæхстдзинад.
Уый фæстæ ахуыргæнинæгтæ Мелитонмæ лæвæрдтой фарстытæ æмæ сын истой æмбæлон дзуаппытæ, кæрæдзийæн бакодтой зæрдылдарæн лæвæрттæ.
Гӕззаты Иван
Comments are closed, but trackbacks and pingbacks are open.