Цхинвалы районы милицийы хайады хатдзæгтæ сарæзтой æрдæг азы дæргъы сæ оперативон-службæйон архайдæн. Уый фæдыл управленийы сæргълæууæг Джыгкайты Сослан сарæзта æмбырд службæты хистæртæн æмæ ма сæм фæуазæг сты мидхъуыддæгты министрады къухдариуæгадæй ацы управленийы куратор Гасситы Владимир, Цхинвалы районы прокурор Уалыты Алан æмæ районы администрацийы сæргълæууæг Бæззаты Инал.
Управленийы уголовон фæдагуырды хайады хистæр æрдзырдта районы криминогенон уавæрыл. Ацы аз фаронимæ абаргæйæ фыдракæндты нымæц фæкъаддæр ис – регистраци æрцыдис 8 фыдракæнды æмæ раргом сты. Фарон та регистраци æрцыдис 12 фыдракæнды æмæ дзы 11 раргом кодтой.
Цхинвалы территорийыл цæрынц иу мин æнæххæст кары сывæллонæй фылдæр. Иу æнæххæст кары сывæллон дзы лæууы профилактикон хыгъды, 15 та дзы ис æвæрæз би-нонтæ. Милицийы æнахъомты фæдыл фарстаты инспекцийы кусджытæ фæуадзынц профилактикон мадзæлттæ куыд сывæллæттимæ, афтæ ма ныййарджытимæ дæр. 6 мæйы дæргъы Цхинвалы районы сывæллоны хайадистæй не рцыд регистраци нæдæр фæткхалæн цау, нæдæр фыдракæнд.
Районы фæндæгтыл дæр фæкъаддæр сты аваритæ. Ӕрдæг азы дæргъы дзы æрцыд 12 фæндагон-транспортон цауы, фарон та уыдысты 15. Авариты фылдæр хæттыты аххосджын разындысты нозтджын шофыртæ æмæ иумийагæй сисгæйæ та сæ аххосаг вæййы стыр тагъдадæй скъæрын. Профилактикон рейдон мадзæлттæ уадзыны рæстæджы фæндагон инспектортæ баурæдтой 18 нозтджын шофыры.
Ахæм хатдзæгтæ æрдæг азы куыстæн сараздзысты милицийы иннæ дæлхæйтты дæр.
ДЖИОТЫ Алыксандр
Comments are closed, but trackbacks and pingbacks are open.