Бæрæг куыд у, уымæ гæсгæ РХИ-йы Паддзахадон тырысайы боны сæраппонд уагъдцæуæг мадзæлтты фæлгæтты организацигонд æрцыд иумиагнацион диктант ахæм темæйыл: «Республикæйы паддзахадон символтæ», зæгъгæ.

Иумиагнацион диктант уагъд æрцыд ирон æмæ уырыссаг æвзæгтыл, куыд Цхинвалы, афтæ Ленингор, Дзау, Знауыр æмæ Цхинвалы районты дæр. Æдæппæтæй акцийы хайад райстой 263 адæймаджы, уыдонæй 82 адæймаджы диктант ныффыстой уырыссаг æвзагæй æмæ ирон æвзагæй та – 181 адæймаджы.

Уырыссаг æвзагæй диктанты текст кастысты республикæйы сгуыхт ахуыргæн-джытæ Тедеты Зæлинæ, Остъаты Джульеттæ, Пухаты Аллæ. Ирон æвзагæй та – Дыгъуызты Лианæ, Гæбæраты Фатимæ, Зассеты Зарæ, Тыджыты Заирæ, Томайты Сæлимæт æмæ æндæртæ.

Диктантмæ хъусдарæг, РХИ-йы Культу-рæйы министрады библиотекæты куысты фæдыл сæйраг специалист Дриаты Нате-лæйы ныхæстæм гæсгæ, ирон æвзагæй диктант тынг хорз нысæнттыл ныффыстой 51 адæймаджы æмæ уырыссаг æвзагæй та – 9 адæймаджы. Уый ма куыд банысан кодта, уымæ гæсгæ, иумиагæй, акцийы хайадисджытæ равдыстой хорз зонындзинæдтæ. Уæлахиздзаутæ хорзæхджын æрцæудзысты зæрдылдарæн лæвæрт-тæй.Нæ уацх.

Ацы æрмæджытæ дæр бакæс:

ХУССАР ИРЫСТОН ДÆР ХАЙАД ИСЫ ГЕОГРАФИОН ДИКТАНТ – 2021-ы Default ThumbnailНæ мыггæгты растфыссынад æмæ хæдгъуыз æууæлтæ    Банысан кодтой Ахуырдзинады дунеон бон Хорзы кой дардмæ хъуысы Уырыссаг æвзаджы бон – Пушкины цырты цур

Comments are closed, but trackbacks and pingbacks are open.