23-æм январы кинотеатр «Чермен»-ы Фæсивæд, спорт æмæ туризмы комитет ауагъта цытджын мадзал «Афæдзы гоймаг» равзарыны сæраппонд.
Ацы мадзал уагъд фæцæуы æрвылаз дæр. Ацы ном райсынмæ бавдыстой 18 профессийы æвзонг минæвары. Уæлахиздзаутæн лæвæрд цыд Даредзанты кадджыты хъайтар Амыраны статуеткæ. Конкурсы хайад цы профессийы минæвæрттæ истой, уыдон уыдысты хæрзаудæн хъуыддаджы архайджытæ, сæудæджерады, спорты, культурæйы æмæ æндæр фадгуыты чи басгуыхт фæсивæды ахæм минæвæрттæ.
Мадзалы хайад райстой РХИ-йы Президент Бибылты Анатоли æмæ Хицауады Сæрдар Пухаты Эрик.
Цытджын мадзалы иууыл стырдæр хъусдард здæхт æрцыд 12-æм скъолайы 3-аг къласы ахуыргæнинаг Дзабиты Денисмæ, кæцы архайы менталон математикæйæ æмæ æрæджы ссис дунеон ерысты призер.
«Открытие года», зæгъгæ, ахæм номинацийы Де-нисы схорзæхджын кодта Президент Бибылты Анатоли. Лæппу аварийы фæстиуæгæн ссис фыццаг къорды инвалид.
«Афæдзы хуыздæр репортер» номинацийы уæла-хиздзау ссис паддзахадон телекомпанийы сæрмагонд алæвæрдты автор Тыбылты Алан. «Азы бархион»-ы расгуыхтысты информацион агентад «Спутник Южная Осетия»-йы кусджытæ Хаситы Михаил æмæ Хъуылымбегты Еленæ. Хорзæхджынты нымæцы бирæ уыд, спорты фадыджы чи фесгуыхт, ахæм спортсментæ. Уыдон систы дунеон, Уæрæсейы æмæ Европæйы чемпионтæ. «Хуыздæр тренер»-ыл та нымад æрцыд уæгъдибар хъæбысхæсты РХИ-йы сгуыхт тренер Коцты Тамерлан, йæ хъомылгæнинаг Зассеты Арсæмæг та фæуæлахиз номинаци «Афæдзы спротсмен»-ы.
Футболæй Хуссар Ирыстоны æмбырдгонд командæ, кæцы рамбылдта 2019 азы E4 CONIFA-йы-йы чемпионат, фæуæлахиз «Прорыв года»-йы номинацийы.
Уæлахиздзауты нымæцы уыдысты республикон рынчындоны дохтыртæ Джиоты Сослан æмæ Саулохты Георги. Сослан ссис номинаци «Врач года» æмæ Георги та «Талант года».
Сфæлдыстады къабазы сценæмæ фæхуыдтой Бекъойты За-ринæйы, уый нымад æрцыд «Афæдзы актрисæ»-йыл. Паддзахадон ансамбль «Симд»-ы фæндырдзæгъдæг Ходты Эльбрус та ссис «Музыкант года». ХИПУ-йы жур-налистикæйы факультеты студенткæ, студентон советы сæрдар Ко-койты Аннæйы та банымадтой «Афæдзы хуыздæр студент»-ыл. Йæ фадыджы хуыздæрыл ма нымад æрцыд Хуыбиаты Марат – но-минаци «Сотрудник МВД». Мадзалмæ ацы аз хаст æрцыд ахæм номинаци дæр, куыд «Пирограф года», уый та нысан кæны хъæдæрмæгыл ныв кæнын. Лæвæрд æрцыд Коцты Елизаветæйæн.
«Азы кæрдзынгæнæг»-ы ном лæвæрд æрцыд æвзонг кæрдзынгæнæг Бестауты Нугешайæн. Кокойты Вадим кусы Уæлвæткон уавæрты министрады æмæ нымад æрцыд хуыздæрыл. Уый фервæзын кодта мæлæтæй горæты цады цы æвзонг чызг дæлдон кодта, уый.
«Технолог года» – та лæвæрд æрцыд БТК-4 кусджытæнæг Тадтаты Наталийæн æмæ «Азы бригадæ» – та Тедеты Аланæн.
Мадзалы æхсæнмæ-хсæнты уыд музыкалон номыртæ. Зарæггæнджытæ Саппиаты Зæлинæ æмæ Аивæдты лицейы ахуыргæнæг Плиты Олег сæххæст кодтой эстрадон зарджытæ. Мадзалы уазджытæй иу уыд æфсымæрон республикæ Абхазы КВН-ы командæ «Нарты из Абхазийы» командир Тимур Ашба.
Мадзал «Афæдзы гоймаг» хъуамæ уагъд æрцыдаид ивгъуыд азы кæрон, фæлæ хорзæх кæныны церемони æргъæвд æрцыд, декабры мæйы нæ горæты трагиконæй цы æвзонг æртæ лæппу бабын аварийы, уыдон тыххæй. Уыдон уыдысты Спорт, туризм æмæ фæсивæды комитеты хæлæрттæ.
УАЗÆГТЫ Марфа
Comments are closed, but trackbacks and pingbacks are open.